^{Ka OBAKENG MAJE}

^{31 Diphalane 2026 – Sepodisi sa kwa Huhudi mono Vryburg, se batlisisa kgetsi ya go kgweetsa botlhatswa. Se, se tla morago ga gore sejanaga sa van sa mmala o moshweu se menoge kwa tsela-kgolo ya N18, dikilomitara di le 20 go tswa ka toropo ya Vryburg.}

^{Go begwa fa van e, ene e pegile bapagami ba le 11. Tiragalo e, go begwa fa e diragetse ka Labotlhano.}

^{Sebueledi sa sepodisi mono Bokone Bophirima, Mokaptein Majang Skalkie are go begwa fa mokgweetsi a latlhegetswe ke taolo ya sejanaga, mme se ile sa menoga. Skalkie are bapagami ga mmogo le mokgweetsi (61) ba iponetse dikgobalo, mme ba rwaletswe kwa bookelong jo bo gaufi.}

^{“Dipatlisiso di tsweletse,” ga rialo Skalkie.}

^{taungdailynews@gmail.com}