Ka OBAKENG MAJE
16 Phatwe 2026 – Monna wa dingwaga di le 46, o solofetswe go tlhagelela kwa kgotlhatshekelo ya Taung mabapi le ditatofatso tsa go thuntsa mo phatlhalatseng le go tshola sethunya se se seng mo molaong. Go begwa fa mmelaelwa o, a ile a tshosetsa bahiri (tenants) ba gagwe kwa motsesetoropong wa Pudimoe, gaufi le Taung ka Lamatlhatso bosigo.
Sebueledi sa sepodisi mono porofenseng ya Bokone Bophirima, Colonel Anne Magakoe are mmelaelwa o tlile go tlhagelela kwa kgotlhatshekelo ya Taung ka Mosupulogo. Magakoe are dipatlisiso di a tswelela.
The Guardian 