Ka OBAKENG MAJE
17 August 2026 – Sepodisi sa kwa Kimberley sa lephata la dikgetsi tsa tiriso ya dikgoka tse di tseneletseng, e batlisisa kgetsi ya polao. Se, se tla morago ga go tlhabiwa le go bolawa ga moithuti wa kwa Phatsimang TVET College.
Sebueledi sa sepodisi kwa porofenseng ya Kapa Bokone, Warrant Officer Molefi Shemane are go begwa fa moithuti o, Keotshepile Gift Ntopo (21), a tlhabilwe kwa ntlenyana ga lefelo le le rekisang nnotagi (Nightclub) mo mosong wa letsatsi la Tshipi. Shemane are ga gona ope o tshwerweng go fitlha ga jaana.
“Dipatlisiso mo kgetsing e, di a tswelela,” Shemane wa tlhalosa.
Kgabagare, go begwa fa Ntopo a tswa kwa motseng wa Magogong mono Taung.
The Guardian 