Ka OBAKENG MAJE
7 Lwetse 2026 – Monna wa dingwaga di le 23 o tlhokafetse morago ga gore sejanaga se a neng a tsamaya ka sone se menoge gaufi le kgolagano (traffic circle) ya tsela ya Taung mo N18 ka letsatsi la Tshipi. Go begwa fa sepodisi mono Taung, se ile sa bilediwa kwa lefelong la kotsi e e masisi ka letsatsi la Tshipi kwa sejanaga sa modiro wa Mercedes Benz se menogileng gone.
Sebueledi sa sepodisi sa mo sedikeng sa Dr Ruth Segomotsi Mompati, Warrant Officer Tryphosa van Rooyen are go begwa fa mokgweetsi a ne a tswa kwa lefelong lengwe la borobasogo fa a ne a latlhegelwa ke taolo ya sejanaga. Van Rooyen are monna o, o ile a tlhokafalela kwa lefelong la tiragalo.
“Go budilwe kgetsi ya polao ntle le maikaelelo morago ga tiragalo eno. Dipatlisiso di tsweletse mabapi le se se tlhodileng kotsi,” van Rooyen wa tlhalosa.
The Guardian 