Ka OBAKENG MAJE
15 Lwetse 2026 – Sepodisi sa mono Taung se boloditse letsholo-patlo morago ga go ngwega ga molatofadiwa wa petelelo e leng Monnapula Madienyane (38). Go begwa fa Madienyane a ngwegile morago ga go tlhagelela ka boripana kwa kgotlhatshekelo ya Taung mabapi le petelelo mo letsatsing la maabane.
Go ya ka sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are Madienyane o ne a ntshiwa kwa kgotlhatshekelo ke batlhankela ba sepodisi morago ga go tlhagelela mabapi le petelelo. Van Rooyen are go begwa fa Madienyane a ne a tshaba.
“Batlhankela ba sepodisi ba lephata la VISPOL, ba dipitsi ga mmogo le ba dintsha kwa Vryburg, ba ile ba bolotsa letsholo-patlo. Go fitlha ga jaana, Madienyane o setse a tsene ka lenga la seloko.
“Ga re belaele fa a ka tswa a thusitswe go ngwega,” van Rooyen wa tlhalosa.
The Guardian 