Tag Archives: gaufi le Taung

Nine people killed in R502 accident near Orkney

NEWS Leave a comment

By REGINALD KANYANE

13 November 2026 – Nine people have died following a horrific road accident on the R502 near Shaft 10 in Orkney, involving a gold Volkswagen Combi transporting employees of the Nexgen Solar Plant to Alabama and Jouberton in Townships in Klerksdorp. According to preliminary reports, the driver of the Volkswagen Combi lost control of the vehicle, causing it to overturn.

North West MEC for Community Safety and Transport Management, Virginia Tlhapi, has expressed her deepest condolences to the families, friends and colleagues of the victims following the tragic incident on 13 November 2026. Tlhapi said six passengers were declared dead at the scene, while several others sustained injuries and were rushed to hospital for medical treatment.

“The department has since confirmed that an additional three passengers succumbed to their injuries in hospital, bringing the total number of fatalities to nine. We would like to express our heartfelt condolences to all those affected by the tragedy and wished the injured passengers a speedy recovery.

“Our thoughts and prayers are also with those who sustained injuries and are currently receiving medical attention in hospital. We wish them a speedy recovery during this difficult time,” she said.

Tlhapi further said her department expresses deep sorrow over the loss of life and urged motorists and transport operators to prioritise road safety, particularly during the busy festive season. She added that transport operators should ensure that their vehicles are roadworthy, conduct thorough pre-trip inspections and comply with all road traffic regulations.

“We also appeal to motorists to exercise extreme caution, remain vigilant and take responsibility for the safety of their passengers and other road users,” concluded Tlhapi.

taungdailynews@gmail.com

Lekgarebe la kwa Madipelesa le le neng le timetse le bonwe

NEWS Leave a comment

Setshwantsho: Lekgarebe le le neng le timetse le bonwe, Matumelo Malgas

Ka OBAKENG MAJE

3 Ngwanatsele 2026 – Lekgarebe le le neng le begwa fa le timetse, Matumelo Malgas (17) wa kwa motseng wa Madipelesa, gaufi le Taung, bo bonwe. Ba lelapa ba ne ba bega fa Malgas a tsamaile kwa lelapeng la gagwe fa kgwedi ya Diphalane e ne e tlhola matsatsi a le 27.

Ba lelapa ba ne ba tlhalosa fa Malgas a ne a utlwalelwa fa a fetile kwa dipolasing tsa Poroki. Go ne ga begwa fa Malgas a tlhalositse fa a ya kwa molapong kwa Barkly West.

Go begwa fa a ne a apere jeresi e pududu, sekipa se se tshweu, borokgwe jo bo pududu. Ba lelapa ba re ba lebogile thata gonne Malgas a letse a boetse gae maabane.

Kgabagare, sebueledi sa sepodisi mono Bokone Bophirima, mokaptein Majang Skalkie are ga gona kgetsi epe e begilweng kwa sepodising mabapi le go nyelela ga ga Malgas.

taungdailynews@gmail.com

Ba lelapa ba kopiwa go batlisiwa Matumelo Malgas

NEWS Leave a comment

Setshwantsho: Matumelo Malgas

Ka OBAKENG MAJE

2 Ngwanatsele 2026 – Ba lelapa la ga Matumelo Malgas (17) kwa motseng wa Madipelesa, gaufi le Taung, ba re ba kopa go batlisiwa ngwana wa bone o a nyeletseng. Ba lelapa ba bega fa Malgas a tsamaile kwa lelapeng la gagwe fa kgwedi ya Diphalane e ne e tlhola matsatsi a le 27.

Mongwe wa lelapa, Basimane Moremedi, are go utlwala fa Malgas a fetile kwa dipolasing tsa Poroki. Moremodi are go begwa fa Malgas a tlhalositse fa a ya kwa molapong kwa Barkly West.

“O ne a apere jeresi e pududu, sekipa se se tshweu, borokgwe jo bo pududu. A ka tswa a le kwa Deelport kgotsa kwa Barkly West. Mongwe le mongwe o a tla mo bonang, a ka letsetsa ba lelapa go 0687646161,” Moremedi wa tlhalosa.

Kgabagare, sebueledi sa sepodisi mono Bokone Bophirima, mokaptein Majang Skalkie are ga gona kgetsi epe e begilweng kwa sepodising mabapi le go nyelela ga ga Malgas.

taungdailynews@gmail.com

Ditheetso mo kgetsing ya polao kgatlhanong le mmeteledi, Bakang Katong ga mmogo le balatofadiwa ka ene ya tswelela

NEWS Leave a comment

Setshwantsho: Bangwe ba balatofadiwa mo kgetsing ya polao

OBAKENG MAJE

21 Diphalane 2026 – Kgetsi ya polao kgatlhanong le banna ba le bane ba kwa motseng wa Manthe, gaufi le Taung, e tla boela kwa kgotlhatshekelo ya sedika ya Taung mo letsatsing la gompieno. Bakang Katong (33), yo o atlholetsweng dingwaga di le robedi kwa kgolegelong mo kgetsing ya petelelo, ga mmogo le balatofadiwa nae mo kgetsing ya polao, Thabang Lenyai (24), Katlego Mosimege (32), le Phenyo Katong (35), ba ne ba tshwarwa dingwaga di le nne tse di fetileng morago ga go latofadiwa ka go bolaya Thabiso Mothibedi (35), setlhogo.

Go begwa fa ba ile ba mo teketa le go mo golegelela mo generateng. Seno se tla morago ga gore ba mo latofatse ka go ba utswetsa madi a seatleng a lekang ka R20 000 le motsoko wa R600.

Sebueledi sa sepodisi mo Bokone Bophirima, mokaptein Sam Tselanyane, o ile a tlhalosetsa ba lekwalo-dikgang la The Guardian Newspaper gore dipatlisiso di shupa fa tiragalo e, ele ya di 29 Moranang 2022. Tselanyane are go ile ga begwa fa moswi a ile a siela kwa motseng wa Longaneng.

“Fela, go begwa fa balatofadiwa ba ile ba tswa letsholo le go mo latela. Go begwa fa go gorogeng ga bone kwa motseng wa Manthe, ba ile ba mo gokelela mo generateng, mme ba mo teketa go fitlhelela a tlhokafala.

“Go begwa fa balatofadiwa ba ile ba tabogisetsa moswi kwa kliniking ya selegae fa ba bona a neela mowa. Baoki ba ne ba tlhalosa fa go se sepe se ba ka se dirang go boloka moswi, gonne one a setse a balelelwa le badimo,” Tselanyane wa tlhalosa.

Kgabagare, ka di 1 Motsheganong 2022, baagi ba ile ba bolotsa mogwanto kgatlhanong le balatofadiwa, mme ba ile ba fisa matlo a bone a le mararo mo tiragalong e. Gape, baagi ba ile thuba le go senya ntlo-maitiso ya balatofadiwa, mme ba itseela le nnotagi.

taungdailynews@gmail.com

“Legotswana” la dikgomo la kwa Granspan le solofetswe go tlhagelela kwa kgotlhatshekelo

NEWS Leave a comment

Setshwantsho: Kgotlhatshekelo ya Taung

Ka OBAKENG MAJE

12 Diphalane 2026 – Monna wa dingwaga di le 37 wa kwa motseng wa Granspan, gaufi le Taung, o tshwerwe mabapi le ditatofatso tsa go utswa dikgomo le namane. Go begwa fa tiragalo e, e diragetse ka kgwedi ya Seetebosigo 2026.

Sebueledi sa sepodisi mono porofenseng ya Bokone Bophirima, Serasanta Kelebogile Morake are monna o, o tshwere mo letsatsing la maabane. Morake are mmelaelwa o solofetswe go shadikanya matlho fa pele ga magistrata ka di 12 Diphalane 2026.

taungdailynews@gmail.com

“Legotswana” la dikgomo la kwa Granspan le tshwerwe

NEWS Leave a comment

Setshwantsho-papiso: Dikgomo tse go begwang fa di utswilwe

Ka OBAKENG MAJE

9 Diphalane 2026 – Monna wa dingwaga di le 37 wa kwa motseng wa Granspan, gaufi le Taung, o tshwerwe mabapi le ditatofatso tsa go utswa dikgomo le namane. Go begwa fa tiragalo e, e diragetse ka kgwedi ya Seetebosigo 2026.

Sebueledi sa sepodisi mono porofenseng ya Bokone Bophirima, Serasanta Kelebogile Morake are monna o, o tshwere mo letsatsing la maabane. Morake are mmelaelwa o solofetswe go shadikanya matlho fa pele ga magistrata ka di 12 Diphalane 2026.

taungdailynews@gmail.com

Tlhatlharuane kwa kliniking ya selegae ya Manthe

NEWS Leave a comment

Setshwantsho: Kliniki ya Manthe

Ka OBAKENG MAJE

2 Lwetse 2026 – Go begwa fa badiri ba kliniki ya Manthe, gaufi le Taung, ba ile ba tlhaselwa le go shupiwa ka sethunya ke monna mongwe ka letsatsi la Lamatlhatso. Go begwa fa go ile ga tsoga kgakgauthano magareng ga baratani bangwe, mme lekau le ne la teketa lekgarebe la gagwe.

Go begwa fa lekgarebe le, ga mmogo le ba lelapa la gagwe, ba ne ba leba kwa kliniking ya selegae go ya go mo bonela kalafi. Go begwa fa monna o, a ne a sala lekgarebe le morago go ya teng kwa kliniking eo.

Go begwa fa a ile a fitlha a ntsha sethunya le go shupa badiri ba kliniki eo.

Fela sebueledi sa mokhuduthamaga wa Lefapha la Boitekanelo, Sello Lehari, e leng Tshegofatso Mothibedi, o ganeditse dipego tseno. Mothibedi are ee, ke nnete go nnile le tiragalo ya gore monna mongwe a latele lekgarebe la gagwe kwa kliniking, fela ga gona kwa a ntshitseng sethunya gone.

“Go begwa fa go nnile le ntwa magareng ga baratani ba kwa lelapeng la bone. Monna o, o ile a latela mosadi yo kwa kliniking ya selegae kwa a neng a ile go bona thuso ya kalafi gone morago ga go itemogela dikgobalo.

“Monna o, o ile a leka go tsena ka dikago tsa kliniki ka kgang, fela batlhankedi ba tshireletso ba ile ba mo thibela. Go ile ga tsoga ntwa ya mafoko magareng ga monna o le ba lelapa la mosadi o. Jaanong ga se nnete gore badiri ba rona ba ile ba shupiwa ka sethunya,” Mothibedi wa tlhalosa.

taungdailynews@gmail.com

Setlhopa sa Cameroon FC se ikgapela tonamente 

NEWS Leave a comment

Setshwantsho: Setlhopa sa Cameroon FC se ikgapela sejana

Ka REGINALD KANYANE 

18 Phatwe 2026 – Barulaganyi ba tonamente ya kgwele ya dinao e e neng e tshwaretswe kwa lebaleng la Mighty Boys FC kwa motseng wa Manthe, gaufi le Taung, ba re ba itumeletse thologelo e ba e boneng. Barulaganyi ba, ba ne ba tshwere tonamente ya ditlhopa di le robedi ya matsatsi a le mabedi. 

Mongwe wa barulaganyi, Charlie Ramonnye are balatedi ba kgwele ya dinao ba iponetse lobebe lwa kgwele ya dinao. Ramonnye are thologelo e ne e usa pelo, mme e tla rotloetsa batshameki go godisa talente ya bone. 

“Ke rata go leboga baagi botlhe ka bophara ba ba nnileng karolo mo tonamente e. Ntle le bone, re ka be re sa kgona go nna le tonamente e e atlegileng jaana. Ntlhakgolo ya tonamente e, ke go gopola bomme, gonne ke kgwedi ya bone e. Ntle le bomme ga gona tswelelo-pele. 

“Ke ka moo re batlang go romela molaetsa go bomme botlhe gore ba itse fa ba le botlhokwa ebile ra ba rata. Gape, re ikuela go borre go ka emisa ka tshotlakako go bomme le bana. Re kopa bomme botlhe ba ba itemogelang tshotlakako, ba buele kwa ntle gore ba thusiwe,” Ramonnye wa tlhalosa. 

Ramonnye gape o lebogile ditlhopa tsotlhe tse di neng di tshotse karolo mo tonamenteng e. Are setlhopa se se fentseng tonamente e, sa Cameroon FC sa kwa motsesetoropong wa kwa Pudimoe, se ikgapetse mausa-usa a diranta a lekana le R20 000, ga mmogo le dimetale tsa gauta di le 20. 

“Seo se akaretsa le sejana. Setlhopa se se latlhegetsweng kwa makgaola-kgannyeng sa Lovely Movers FC, se ikgapetse R10 000 le dimetale tsa selefera di le 20. Re itumeletse thologelo le bannaleseabe ka kakaretso. 

“Ke ikuela go balatedi ba kgwele ya dinao go netefatsa fa ba nna teng gape mo ngwageng o tlang,” Ramonnye wa tlhalosa. 

Motsamaisi wa setlhopa se se fentseng tonamente sa Cameroon FC, William Galetlhobogwe are: “Re motlotlo go tsholetsa sejana se, mme re leboga thata gore re be re fitlheletse mo re fitlheletseng teng morago ga matsapa. Tonamente e tsamaile sentle le fa re ne re sa itumelela ka mokgwa o moletsaphala a neng a tsamaisa motshameko wa rona ka teng letsatsi pele ga le. 

“Re nagana gore go na le fa a neng a re gatelela gone. Fela rona re ditau, re ile ra lwana go fitlha kwa makgaolakgannyeng le go a fenya.” 

Mokatisi wa setlhopa se se latlhegetsweng kwa makgaola-kgannyeng sa Lovely Movers FC, Jacob Tshilo are o ne a sa tla ka batshameki ba gagwe ba ba feletseng. Fela Tshilo are ba ne ba tshameka le setlhopa se se popota. 

“Basimanyana ba tshamikile ebile ke rona ba re neng re sireletsa sejana se. Re ne re tshameka le setlhopa se se popotsa, mme re tla leka gape mo ngwageng o tlang,” Tshilo wa tlhalosa.

taungdailynews@gmail.com

Kgetsi ya polao e buseditswe morago

NEWS Leave a comment

 

Setshwantsho: Moswi, Robert Rapelang Molale

Ka OBAKENG MAJE

21 Phukwi 2026 – Kgetsi ya polao kgatlhanong le balatofadiwa ba le supa e leng Flora Mogwera (66), Tshwaro Katong (53), Mosimanegape Gabonewe (55), Victor Maphasane (63), Tekoetsile Katong (63), Losilatau Charles Sakiele (58) ga mmogo le Mompati Mocumi (62), e buseditswe morago go fitlha kgwedi ya Phatwe e tlhola matsatsi a le 17. Balatofadiwa ba, ba ile ba tshwarwa kwa motseng wa Manthe, gaufi le Taung, mabapi le ditatofatso tsa go bolaya monna wa kwa motseng wa Mothanthanyaneng, Robert Rapelang Molale morago ga go molatofatsa ka bogodu jwa leruo.

Go begwa fa Molale a ile a teketwa le go tsenngwa mo metsing kwa molapong ka kgwedi ya Sedimonthole 2025. Go begwa fa Molale a ile a tlhokafala morago ga moo.

Go dumelwa fa dinku tse di utswitsweng ele tsa molatofadiwa, Flora Mogwera (66).

Kgabagare, balatofadiwa botlhe ba neetswe beile ya R500 mongwe le mongwe.

taungdailynews@gmail.com

Baagi ba Madipelesa ba boloditse ditshupetso

NEWS Leave a comment

Setshwantsho: Baagi ba boloditse ditshupetso/Facebook

Ka OBAKENG MAJE

26 Motsheganong 2026 – Baagi ba motse wa Madipelesa, gaufi le Taung, ba ne ba boloditse di tshupetso ka Mosupulogo mabapi le kago ya tsela. Baagi ba, ba latofatsa Lefapha la Ditiro tsa Setshaba le Ditsela mono Bokone Bophirima ka go ba tshepisa go ba agela tsela e magareng ga Rietfontein le motse wa bone, fela go fitlha ga jaana ga go nko e tswa lemina.

Baagi bangwe ba bonwe mo setshwantshong sa motsikinyego ba epa tsela e golaganyang motse wa Shaleng le Madipelesa ka bogare ka motsi wa ditshupetso. Baagi ba, gape ba tshosetsa ka go sa ye go tsaya karolo mo di voutung tse di tlang tsa di puso selegae fa ba sa agelwe tsela.  

Motlatsa-modulasetilo wa komiti ya baagi kwa motseng wa Madipelesa, Mpotshang Morris are ba lobaka ba beile letsogo mo phatlheng mabapi le kago ya tsela, fela go bontsha fa moleta ngwedi e le moleta lefifi.

“Ha e sale re kopa go agelwa tsela ka ngwaga wa 2017. Lefapha la Ditiro le Ditsela mono Bokone Bophirima, le ne le re tshepisitse gore re tlile go agelwa tsela ka 24 Seetebosigo 2025. Ba ne ba tshepisitse gore ba tlile go tla le mogakolodi (consultant) morago ga dikgwedi di le tharo, fela seo ga sa direla.

“Lefapha le ile la re tlhalosetsa fa tsela e, e tshwanelwa ke go tlhabololwa pele ka mokgwa wa go karapiwa le go tshelwa mmu (re-gravelling). Jaanong, re il era dumela jaaka baagi. Fela, lefapha ga ise le tle go dira jalo le go fitlha ga jaana,” Morris wa tlhalosa.

Kgabagare, sebueledi sa nakwana sa Lefapha la Dithoto le Ditsela mono Bokone Bophirima, Bayanda Zenzile are: “Lefapha le a itse ka matshwenyego a baagi ba Madipelesa mabapi le tsela. Fela kago ya tsela ka mokgwa wa sekontere magareng ga Madipelesa le Shaleng, e sentse e le karolo ya di thulaganyo tsa rona. Re tla dira seo morago ga go thapa mogakolodi, mme ga re itse gore seo se tla diragala leng.

“Fela ga jaana, re tlile go tlhabolola tsela eo ka mokgwa wa go e tshela mmu le go e karapa (re-gravelling) gore e ke e kgone go tsamaega. Lefapha le betse thoko madi a phopholediwang go R20 million go ka thankgolola porojeke eo.”  

Zenzile are porojeke e, e tlile go tsaya dikgwedi di le thataro.

Fela Morris are madi ao a manyinyane go ka baakanya tsela ya Shaleng, Madipelesa ga mmogo le Rietfontein.

taungdailynews@gmail.com