Setshwantsho: Bangwe ba balatofadiwa ba polao
Ka OBAKENG MAJE
11 Motsheganong 2026 – Kgetsi ya polao kgatlhanong le balatofadiwa ba le supa eleng Flora Mogwera (66), Tshwaro Katong (53), Mosimanegape Gabonewe (55), Victor Maphasane (63), Tekoetsile Katong (63), Losilatau Charles Sakiele (58) ga mmogo le Mompati Mocumi (62), e solofetswe go boela kwa kgotlhatshekelo ya Taung mo letsatsing la gompieno. Balatofadiwa ba, ba ile ba tshwarwa kwa motseng wa Manthe, gaufi le Taung, mabapi le ditatofatso tsa go bolaya monna wa kwa motseng wa Mothanthanyaneng, Robert Rapelang Molale morago ga go molatofatsa ka bogodu jwa leruo.
Go begwa fa Molale a ile a teketwa le go tsenngwa mo metsing kwa molapong ka kgwedi ya Sedimonthole 2025. Go begwa fa Molale a ile a tlhokafala morago ga moo.
Go dumelwa fa dinku tse di utswitsweng ele tsa molatofadiwa, Flora Mogwera (66).
Kgabagare, balatofadiwa botlhe ba neetswe beile ya R500 mongwe le mongwe.
The Guardian 