Tag Archives: banna ba

Kgetsi ya bogodu jwa leruo e buseditswe morago

NEWS Leave a comment

Setshwantsho: Nama ya kgomo e go belaelwang e utswitswe

Ka KEDIBONE MOLAETSI

10 Phukwi 2026 – Kgetsi kgatlhanong le banna ba le bararo ba dingwaga di le 21 le 42, e buseditswe morago ke kgotlhatshekelo ya Vryburg ka Laboraro. Se, se tla morago ga gore banna ba, ba tshwarwe ke batlhankela ba sepodisi ba lekala la K9 la kwa Vryburg mabapi le go tshola nama e go belaelwang fa e utswilwe.

Go ya ka sebueledi sa sepodisi mono Bokone Bophirima, Colonel Adele Myburgh, banna ba, ba ne ba emisiwa ke sepodisi kwa tselakgolo ya N18 magareng ga motse wa Dryharts le motsesetoropo wa Huhudi, kwa Vryburg. Myburgh are sepodisi se ile sa amogela tshedimosetso ya gore banna bangwe ba ba kgweetsang sejanaga sa modiro wa Uno Fiat ba pegile nama ya kgomo mo sejanageng sa bone, mme ba lebile kwa Vryburg.

“Batlhankela ba sepodisi ba ile ba tsiboga ka bonako, mme ba emisa sejanaga seo. Go begwa fa banna ba, ba ile ba shadikanya matlho fa ba bodiwa gore ba tsaya kae nama e kana-kana. Seo, se ile sa lebisa kwa go tshwarweng ga bone.

“Ba tlhageletse ka boripana kwa kgotlhatshekelo ya Vryburg mabapi le ditatofatso tsa go tshola nama e go belaelwang e ka tswa e utswitswe. Dipatlisiso tse di tseneletseng, di shupa fa go tlhabilwe dikgomo di le pedi kwa motsesetoropong wa Pudimoe mono Taung, ntle le kitso ya mong wa tsone,” Myburgh wa tlhalosa.

Myburgh are dipatlisiso di tsweletse le go bona gore a ka gongwe kgetsi e, e ka se amane le ya kwa Pudimoe.

Kgabagare, mokomishinara wa nakwana mono porofenseng ya Bokone Bophirima, Major General (Dr) Ryno Naidoo, o akgotse batlhankela ba sepodisi ka go tsiboga ka bonako. Naidoo are sepodisi se ikanne go lwa kgatlhanong le bogodu jwa leruo, mme ba tlile go dirisa lephata la bone la botlhodi go dira se.

“Re rotloetsa baagi go tswelela go itsise sepodisi mabapi le ditiragalo dingwe le dingwe tsa bosenyi. Tirisano mmogo magareng ga baagi le sepodisi e tshameka karolo e kgolo mo go rebeng bosenyi, mme seo se tlile go dira gore baagi ba sireletsege,” Naidoo wa tlhalosa.

taungdailynews@gmail.com

Banna ba le bararo ba kwa Choseng  ba tshwerwe mabapi le polao

NEWS Leave a comment

Setshwantsho: Kgotlhatshekelo ya Taung

Ka OBAKENG MAJE

23 Lwetse 2025- Babelwaelwa ba le bararo ba dingwaga di le 42, 52 ga mmogo le 70, ba solofetswe go rotola matlho fa pele ga kgotlhatshekelo ya Taung mo letsatsing la gompieno mabapi le ditatofatso tsa polao. Go begwa fa babelaelwa ba, ba latofadiwa ka go bolaya monna wa dingwaga di le 36.

Go begwa fa ba ile ba teketa monna o go fitlha a tlhokafala morago ga go mo latofatsa ka bogodu jwa leruo. Go ya ka dipego, banna ba, ba ne ba le babedi, mme o mongwe o ile a amogelwa kwa bookelong jwa sedika jwa Taung ka dikgobalo tse di masisi.

Sebueledi sa sepodisi mo sedikeng sa Dr Ruth Segoomotsi Mompati, Warrant Officer Tryphosa van Rooyen are, sepodisi se ile sa bilediwa kwa lefelo la tiragalo kwa Etos Farm kwa motseng wa Choseng, gaufi le Pudimoe fa Lwetse a ne a tlhola matsatsi a le 20 ka ura ya bosupa mo mosong.  Van Rooyen are batlhakela ba sepodisi ba fitlhetse moswi a rebegile sefatlhego ka dintho tsa go teketikwa.

“Go tshwerwe banna ba le bararo mabapi le ditatofatso tse, mme bone ba tlile go tlhagelela kwa kgotlhatshekelo ya Taung mo letsatsing la gompieno. Babelaelwa ba, ke baagi ba naga ya Afrika Borwa,” van Rooyen wa tlhalosa.

Kgabagare, go begwa fa moswi ele moaagi wa kwa motseng wa Maganeng, gaufi le Taung, fa mong ka ene yo a amogetsweng kwa bookelong jwa sedika jwa Taung ka dikgobalo tse di masisi, ele moagi wa Choseng.

taungdailynews@gmail.com

Mong wa lebenkele o kgothusitswe kwa motseng wa Mocweding

NEWS Leave a comment

Ka OBAKENG MAJE

27 Ferikgong 2025- Monna wa motswakwa o nang le lebenkele kwa motseng wa Mocweding, gaufi le Taung, o tlhasetswe le go kgothusiwa madi a seatleng ke banna bangwe ba le bararo ba ba sa itsiweng. Go begwa fa motswakwa o, a ne kgorogelwa ke banna ba baneng ba tshwere dithunya ka Lamatlhatso bosigo, mme ba mo kgothosa.

Go ya ka sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen, banna ba, ba ne ba kgothosa monna o madi, dilwana ga mmogo le mogala wa gagwe wa letheka.

“Banna ba, ba ile ba digela mong o wa lebenkele dingalo, le go mo tlogela a phokga-phokga madi. O ile a iponela dikgobalo mo tlhogong, ga mmogo le mo mmileng.

“Monna o, o ile a tabogisetswa kwa kliniking ya selegae go ya go bona kalafi. Go fitlha ga jaana, ga go ope o tshwerweng, mme kgetsi ya go tshwara kgwebo poo e butswe,” van Rooyene wa tlhalosa.

taungdailynews@gmail.com

Mmelaelwa a le mongwe mo kgetsing ya go kgothosa sejanaga sa Fidelity mono Taung o solofetswe go tlhagelela kwa kgotlha-tshekelo

NEWS Leave a comment

Setshwantsho: Sejanaga se se rwalwang madi sa Fidelity se tlhasetswe mono Taung

Ka OBAKENG MAJE

23 Lwetse 2024- Mmelaelwa a le mongwe o golaganngwang le kgetsi ya kgothoso ya madi mono Taung, o tshwerwe. Kgetsi e, e diragetseng fa pele ga lebenkele le le itsegeng la Shoprite ka di 10 Lwetse 2024. Go begwa fa banna ba le bane, ba ba neng ba tlhometse go utlwala, ba ile ba kgothosa sejanaga se se rwalang madi sa Fidelity.  

Go ya ka sebueledi sa sepodisi mo Bokone Bophirima, Brigadier Sabata Mokgwabone, banna ba, ile ba kgorogela batlhankela ba tshireletso ba setlamo sa Fidelity ba ba neng ba pega mabokoso a le mararo a tsenyang madi mo sejanageng sa bone.

“Go begwa fa banna ba, ba ne ba kgweetsa sejanaga sa modiro wa Volkswagen Tiguan, mme ba ile ba thuntsa le go tlogela mokgweetsi wa sejanaga se se rwalang madi sa Fidelity ka dikgobalo.

“Tiragalo e, ke ya ura ya bo robongwe mo mosong kwa toropong ya Taung. Sepodisi se ile sa ragogela teng, mme ba fitlhetse sejanaga se se rwalang madi sena le diphatlha tsa dikolo tsa sethunya. Go begwa fa mokgweetsi wa sejanaga se se rwalang madi a ile a tswa kotsi, morago ga go thuntsiwa mo legetleng la gagwe la moja,” Mokgwabone wa tlhalosa.

Mokgwabone are, go begwa fa batlhankedi ba ba tshireletso, ba ne ba pega dibokoso tse di senang madi mo sejanageng sa bone fa ba ne ba tlhaselwa. Mokgwabone are, go begwa fa mongwe wa ba belaelwa a ile a tswa kotsi, morago ga go thuntsiwa mo leotong.

“Sepodisi se fitlhetse sejanaga se se neng se dirisiwa ke bo rasethunya ba, se tlogetswe kwa sekgweng ma gareng ga Taung le Hartswater. 

“Go bontsha fa babelaelwa ba, ba ile ba tshaba ka mabokoso a le mararo a neng a sena sepe mo teng. Kgetsi e, ile ya shutisediwa kwa lephateng la The Hawks,” Mokgwabone wa tlhalosa.

Kgabagare, sebueledi sa bosekisi mono Bokone Bophirima, Sivenathi Gunya are, lephata la The Hawks, le ile la tshwarwa mmelaelwa a le mongwe mo kgetsing e. Gunya are monna o, o ile a tlhagelela kwa kgotlha-tshekelo ya Taung, mme o lebagane le dikgetsi di le tharo tse di masisi tsa kgothoso, kgetsi ele nngwe ya maiteko a polao le go tshwara dithunya go se mo molao.

“Kgetsi kgatlhanong le monna o, e buseditswe morago go fitlha di 23 Lwetse 2024, mme molatofadiwa o solofetswe go dira kopo ya beile,” Gunya wa tlhalosa.  

taungdailynews@gmail.com

Mmelaelwa a le mongwe mo kgetsing ya go kgothosa sejanaga sa Fidelity mono Taung o tshwerwe

NEWS Leave a comment

Setshwantsho: Sejanaga se se rwalwang madi sa Fidelity se tlhasetswe mono Taung

Ka OBAKENG MAJE

19 Lwetse 2024- Mmelaelwa a le mongwe o golaganngwang le kgetsi ya kgothoso ya madi mono Taung, o tshwerwe. Kgetsi e, e diragetseng fa pele ga lebenkele le le itsegeng la Shoprite ka di 10 Lwetse 2024. Go begwa fa banna ba le bane, ba ba neng ba tlhometse go utlwala, ba ile ba kgothosa sejanaga se se rwalang madi sa Fidelity.  

Go ya ka sebueledi sa sepodisi mo Bokone Bophirima, Brigadier Sabata Mokgwabone, banna ba, ile ba kgorogela batlhankela ba tshireletso ba setlamo sa Fidelity ba ba neng ba pega mabokoso a le mararo a tsenyang madi mo sejanageng sa bone.

“Go begwa fa banna ba, ba ne ba kgweetsa sejanaga sa modiro wa Volkswagen Tiguan, mme ba ile ba thuntsa le go tlogela mokgweetsi wa sejanaga se se rwalang madi sa Fidelity ka dikgobalo.

“Tiragalo e, ke ya ura ya bo robongwe mo mosong kwa toropong ya Taung. Sepodisi se ile sa ragogela teng, mme ba fitlhetse sejanaga se se rwalang madi sena le diphatlha tsa dikolo tsa sethunya. Go begwa fa mokgweetsi wa sejanaga se se rwalang madi a ile a tswa kotsi, morago ga go thuntsiwa mo legetleng la gagwe la moja,” Mokgwabone wa tlhalosa.

Mokgwabone are, go begwa fa batlhankedi ba ba tshireletso, ba ne ba pega dibokoso tse di senang madi mo sejanageng sa bone fa ba ne ba tlhaselwa. Mokgwabone are, go begwa fa mongwe wa ba belaelwa a ile a tswa kotsi, morago ga go thuntsiwa mo leotong.

“Sepodisi se fitlhetse sejanaga se se neng se dirisiwa ke bo rasethunya ba, se tlogetswe kwa sekgweng ma gareng ga Taung le Hartswater. 

“Go bontsha fa babelaelwa ba, ba ile ba tshaba ka mabokoso a le mararo a neng a sena sepe mo teng. Kgetsi e, ile ya shutisediwa kwa lephateng la The Hawks,” Mokgwabone wa tlhalosa.

Kgabagare, sebueledi sa bosekisi mono Bokone Bophirima, Sivenathi Gunya are, lephata la The Hawks, le ile la tshwarwa mmelaelwa a le mongwe mo kgetsing e. Gunya are monna o, o ile a tlhagelela kwa kgotlha-tshekelo ya Taung, mme o lebagane le dikgetsi di le tharo tse di masisi tsa kgothoso, kgetsi ele nngwe ya maiteko a polao le go tshwara dithunya go se mo molao.

“Kgetsi kgatlhanong le monna o, e buseditswe morago go fitlha di 23 Lwetse 2024, mme molatofadiwa o solofetswe go dira kopo ya beile,” Gunya wa tlhalosa.  

taungdailynews@gmail.com