Ka AGISANANG SCUFF
29 Phukwi 2026 – Monna wa dingwaga di le 31 o tlhokofetse mo kotsing ya sejanaga kwa tseleng e magareng ga motseng wa Dryharts le Pudimoe ka matsha a letsatsi la Tshipi. Go begwa fa sejanaga sa Renault Triber se ne sa thula pitse e e neng e robetse mo gare ga tsela.
Sebueledi sa sepodisi mono porofenseng ya Bokone Bophirima, Colonel Adele Myburgh are go begwa fa sejanaga se, se ne se na le bapalami ba le bararo. Myburgh are sejanaga se, se ile sa menoga, mme mongwe wa bapalami o ile a tlhokafala ka gagwe.
“Go begwa fa go nnile le sejanaga sa modiro wa Toyota Corolla se se ile sa thula pitse eo, pele ga mokgweetsi wa Renault Triber a ka e thula. Go begwa fa mokgweetsi wa Toyota Corolla a ile a tshaba kwa lefelong la tiragalo morago ga go lemoga fa mokgweetsi wa Renault Triber a amegile mo kotsing eo.
“Sepodisi se ile sa bilediwa kwa lefelong la kotsi, mme kgetsi ya polao ntle le maikaelelo e ile ya bulwa,” Myburgh wa tlhalosa.
The Guardian 