Tag Archives: Sarasanta Tryphosa van Rooyen

Setopo sa monna o sa itsiweng se bonwe kwa kanaleng

NEWS Leave a comment

Setshwantsho: Setopo sa monna o sa itsiweng se bonwe kwa kanaleng

Ka OBAKENG MAJE

9 Sedimonthole 2024- Setopo sa monna o sa itsiweng se bonwe kwa kanaleng kwa Extension 7, mono Taung. Go begwa fa monna o sa itsiweng, ga mmogo le dingwaga tsa gagwe, a bonwe a rapaletse mo kanaleng, mme sepodisi sene sa itsisiwe.

Go ya ka sebueledi sa sepodisi mo sedikeng sa Dr Ruth Segomotsi Mompati, Sarasanta Tryphosa van Rooyen, tiragalo e ke ya ka Labotlhano. Van Rooyen are sepodisi se butse kgetsi ya morago ga loso, mme dipatlisiso di tsweletse.

“Go fitlha ga jaana ga gona ope o tshwerweng, kgotsa go itse gore go diragetseng. Fela, dipatlisiso di tsweletse,” van Rooyen wa tlhalosa.

taungdailynews@gmail.com

Monna wa kwa motseng wa Mokassa o ikaleditse  

NEWS Leave a comment

Ka OBAKENG MAJE

25 Ngwanatsele 2024- Sepodisi sa Taung sa kaile fa se boloditse dipatlisiso tsa morago ga loso. Se se tla morago ga gore monna wa dingwaga di le 63, wa kwa motseng wa Mokassa, gaufi le Taung, a fitlhelwe a ikgwageditse kwa sekgweng gaufi le molapo kwa motseng wa Lokgabeng.

Go ya ka sebueledi sa sepodisi mo Bokone Bophirima, Sarasanta Tryphosa van Rooyen, Molebatsi Edward Maine, one a tswa kwa lelapeng la gagwe ka di 20 Ngwanatsele 2024, mme ga ka a itsise ope gore o ya kae.

“Go ile ga bulwa kgetsi ya motho o timetseng, mme dipatlisiso di ile tsa bolodiwa. Fela ka di 23 Ngwanatsele 2024, setopo sa ga Maine se se neng se kaleditswe, se ile sa bonwa kwa motseng wa Lokgabeng.

“Sepodisi ga se belaele fa go ka tswa gona le letsogo la tshwene mo tiraglong e. Kgetsi ya morago ga loso e butswe kwa seteisheneng sa sepodisi sa Taung,” van Rooyen wa tlhalosa.

taungdailynews@gmail.com