Ka OBAKENG MAJE
13 Motsheganong 2026 – Mosetsanyana wa dingwaga di le 14 o thudilwe le go bolawa ke sejanaga kwa tseleng ya R379 kwa motseng wa Morokweng, gaufi le Ganyesa ka Lamatlhatso. Go begwa fa mokgweetsi wa sejanaga yo o neng a le mo tseleng go leba kwa legae la gagwe, a ile a thula Kago Matshidiso ka sejanaga.
Sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are dipego di shupa fa moswi a ne a le gareng ga bana ba ba neng ba taboga kwa mmileng wa R379 fa a ne a tla thulwa ke sejanaga. Van Rooyen are moswi o ile a kaiwa fa a balelelwa le badimo kwa lefelong la tiragalo ke ba thuso ya potlako.
“Kgetsi ya polao ntle le maikaelelo e botswe,” van Rooyen wa tlhalosa.
The Guardian 