Ka OBAKENG MAJE
31 Mopitlwe 2025- Monna wa dingwaga di le 24, o tlhokafetse morago ga go thulwa ke sejanaga fa masigo a Tshipi a ne asa kwa motseng wa Mokassa 2, gaufi le Taung. Otlotleng Semaseko yo o belegweng ka di 30 Mopitlwe 2001, o ile a thudilwa ke sejanaga ka letsatsi la gagwe la matsalo, mme a tlhokafalela kwa lefelong la tiragalo.
Sebueledi sa sepodisi, Colonel Adele Myburgh o bega fa mokgweetsi wa sejanaga se se thudileng Semaseko, a ile a le botsa phokoje morago ga tiragalo. Myburgh are sepodisi se tsweleditse dipatlisiso, mme go ile ga bonwa makgetlhe a sejanaga kwa lefelong la tiragalo.
“Ke nnete, kgetsi ya polao ntle le maikaelelo e butswe kwa seteisheneng sa sepodisi sa Taung. Moswi o ile a tlhokafalela kwa lefelo la tiragalo,” Myburgh wa tlhalosa.
The Guardian 