Setshwantsho: Bangwe ba balatofadiwa mo kgetsing ya polao/Facebook
Ka OBAKENG MAJE
23 Mopitlwe 2026 – Kgetsi ya polao kgatlhanong le balatofadiwa ba le supa eleng Flora Mogwera (66), Tshwaro Katong (53), Mosimanegape Gabonewe (55), Victor Maphasane (63), Tekoetsile Katong (63), Losilatau Charles Sakiele (58) ga mmogo le Mompati Mocumi (62), e solofetse go tswelela kwa kgotlhatshekelo ya Taung mo letsatsing la gompieno. Balatofadiwa ba, ba ile ba tshwarwa kwa motseng wa Manthe, gaufi le Taung, mabapi le ditatofatso tsa go bolaya monna wa kwa motseng wa Mothanthanyaneng, Robert Rapelang Molale morago ga go molatotsa ka go bogodu jwa leruo.
Go begwa fa Molale a ile a teketwa le go tsenngwa mo metsing kwa molapong ka kgwedi ya Sedimonthole 2025. Go begwa fa Molale a ile a tlhokafala morago ga moo.
Molatofadiwa, Flora Mogwera (66), o go dumelwang fa dipudi e ne e le tsa gagwe, one a tshwarwa ka Labone le go latofadiwa ka go thopa ka dikgoka. Balatofadiwa ba bangwe jaaka Tshwaro Katong (53), Mosimanegape Gabonewe (55), Victor Maphasane (63), Tekoetsile Katong (63), Losilatau Charles Sakiele (58) ga mmogo le Mompati Mocumi (62) ba lebagane le ditatofatso tsa polao.
Kgabagare, balatofadiwa botlhe ba solofetswe go dira kopo ya beile mo letsatsing la gompieno, mme go utlwa fa ba bosekisi ba se kitla ba nna kgatlhanong le kopo eo.
The Guardian 