Tag Archives: gaufi le Taung

Kgetsi ya polao kgatlhanong le banna ba le bane ba kwa Manthe e buseditswe morago

NEWS Leave a comment

Setshwantsho: Mobeteledi, Bakang Katong ga mmogo le balatofadiwa-nae monkgetsing ya polao, Phenyo Katong le Katlego Mosimege

Ka OBAKENG MAJE

26 Phatwe 2025- Kgetsi ya polao kgatlhanong le banna ba le bane ba kwa motseng wa Manthe, gaufi le Taung, e tlhotse e buseditswe morago ke kgotlhatshekelo ya Taung mo letsatsing la gompieno go fitlha di 10 Sedimonthole 2025. Bakang Katong (32), yo o atlholetsweng dingwaga di le robedi kwa kgolegelong mo kgetsing ya petelelo, ga mmogo le balatofadiwa nae mo kgetsing ya polao, Thabang Lenyai (23), Katlego Mosimege (31) le Phenyo Katong (34), ba ne ba tshwarwa dingwaga di le tharo tse di fetileng morago ga go latofadiwa ka go bolaya Thabiso Mothibedi (35), setlhogo.

Go begwa fa ba ile ba mo teketa le go mo golegelela mo generateng. Seno se tla morago ga gore ba mo latofatse ka go ba utswetsa madi a seatleng a lekang ka R20 000 le motsoko wa R600.

Sebueledi sa sepodisi mo Bokone Bophirima, Lieutenant Colonel Sam Tselanyane, o ile a tlhalosetsa ba lekwalo-dikgang la The Guardian Newspaper gore dipatlisiso di shupa fa tiragalo e, ele ya di 29 Moranang 2022. Tselanyane are go ile ga begwa fa moswi a ile a siela kwa motseng wa Longaneng.

“Fela, go begwa fa balatofadiwa ba ile ba tswa letsholo le go mo latela. Go begwa fa go gorogeng ga bone kwa motseng wa Manthe, ba ile ba mo gokelela mo generateng, mme ba mo teketa go fitlhelela a tlhokafala.

“Go begwa fa balatofadiwa ba ile ba tabogisetsa moswi kwa kliniking ya selegae fa ba bona a neela mowa. Baoki ba ne ba tlhalosa fa go se sepe se ba ka se dirang go boloka moswi, gonne one a setse a balelelwa le badimo,” Tselanyane wa tlhalosa.

Kgabagare, ka di 1 Motsheganong 2022, baagi ba ile ba bolotsa mogwanto kgatlhanong le balatofadiwa, mme ba ile ba fisa matlo a bone a le mararo mo tiragalong e. Gape, baagi ba ile thuba le go senya ntlo-maitiso ya balatofadiwa, mme ba itseela le nnotagi.

Go begwa fa Katong a boleletse lekgotlha ka mokgwa wa tiriso ya lekwalo gore o ipona molato mo ditatofatso tsotlhe kgatlhanong le ene. Lenyai le ene go ne ga begwa fa a ipone molato mo ditatofatsong tsotlhe kgatlhanong le ene, fela one a fetoga mme a kopa lekgotlha fa a batla go fetola mmueledi wa gagwe.

Katong o tlhaloseditse lekgotlha fa Mosimege le mogoloe, Phenyo, ba ne ba sena seabe mo tiragalong e.

Kgabagare, bosekisi le bone bo tlhalositse fa boitekanetse go ka tswelela ka tsheko, mme bo shupa fa bona le kgetsi e kwenneng kgatlhanong le banna ba, ba le bane.

taungdailynews@gmail.com

Monna wa kwa Maphoitsile o tshwerwe mabapi le dikgetsi tse pedi tsa go shupa ka sethunya

NEWS Leave a comment

Setshwantsho-papiso- Monna o kgothosa mokgweetsi

Ka OBAKENG MAJE

26 Phatwe 2025- Monna wa kwa motseng wa Maphoitsile, gaufi le Taung, o tshwerwe mo letsatsing la gompieno mabapi le dikgetsi tse pedi tsa go shupa ka sethunya. Go begwa fa monna o, e le kgale a batliwa ke sepodisi.

Sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen, o ganne go neelana ka ditlha tse di feletseng gore ditatofatso kgatlhanong le mmelaelwa ke tsefe le gore o tlile go tlhagelela leng kwa kgotlhatshekelo. Van Rooyen are tshedimosetso eo, e tla ama dipatlisiso tsa sepodisi.

taungdailynews@gmail.com

Letsema la ANC le thusa bagodi kwa Itireleng

NEWS Leave a comment

Setshwantsho: Maloko a ANC a tlhatswetsa bagodi kwa Itireleng

Ka OBAKENG MAJE

26 Phatwe 2025- Ba lelapa la ga Motlogelwa kwa motseng wa Itireleng, gaufi le Taung, ba lebogile maloko otlhe a lekoko la ANC ba ba ileng ba tsaya karolo mo go ba rekeleng dilwana tsa mo ntlung le go ba phephafaletsa. Se se tla morago ga gore maloko a ANC ga mmogo le baagi, ba tsweletse letsema le go thusa lelapa le.

Mosadimogolo Maria ga mmogo le monna wa gagwe, Benny Motlogelwa ba ba dingwaga tse di kwa godimo ga 70, mme ba sa itsholela, ba dula mo mokhukhung wa phaphosi e le nngwe. Maloko a lekoko la ANC ga mmogo le baagi, ba ile ba ipopa ngatana e le nngwe, mme ba reka setofo, diaparo, bolao le disamente tsa go tshela mokhukhung wa bone mo fatshe.     

Mongwe wa baeteledipele wa baagi, Witness Jakwe are ba lebogela kemo-nokeng e ba e boneng go tswa go maloko a ANC le baagi. Jakwe are ba lelapa le, kgale ba tshelela mo tshotlegong, mme o solofela fa dithuso tse ba di boneng di tla tlisa pharologanyo le go tokafatsa matshelo a bone.

“Re tlhotse re semeletse ka letsema morago ga gore re bone seemo se se sa itekanelang kwa lelapeng la ga Motlogelwa. Re ile ra bua le mmusa-kgotlha kwa kgorwaneng ya rona ka seemo seo, mme o ile a fetisetsa kgang eo kwa pele.

“Re ne re na le mokhuduthamaga wa Lefapha la Katlatlelo-Loago mono Bokone Bophirima, Sussana Dantjie. Go botsha fa lefapha leo le ile la tsiboga ka bonako. Jaanong, re leboga gape le baagi ba ba ileng ba tsaya karolo mo letsemeng le,” Jakwe wa tlhalosa.

Jakwe are ba ile ba phephafatsa le go tlhatswetsa bagodi ba. Jakwe are ba lebogela matsapa a baagi le maloko a lekoko la ANC a ba a tshotseng go dira pharologano.

“Se, se bontsha gore ra ba kgathalela. Bagolo ba neetswe dilwana jaaka setofo sa go apaya, diaparo, bolao le television. Re leboga matsapa otlhe, mme re rotloetsa baagi go tshwaragana le go tsweletsa letsema le kwa mafelong a mangwe.

taungdailynews@gmail.com

Kgetsi ya polao ya kwa Majaneng e buseditswe morago

NEWS Leave a comment

Ka OBAKENG MAJE

22 August 2025- Kgetsi ya polao kgatlhanong le molatofadiwa, Motseothata Seoleseng (35) wa kwa motseng wa Majaneng, gaufi le Taung, e buseditswe morago ke kgotlhatshekelo ya Taung go fitlha 9 Lwetse 2025. Go begwa fa kgotlhatshekelo e ntshitse lekwalo-tshwaro kgatlhanong le Tshotlhego mabapi le go sa iponatse kwa kgotlhatshekelo fa a tlhokega.

Seoleseng one a tshwara le go latofadiwa ka go tlhaba le go bolaya tsala ya gagwe, Mosimanegape Adam van Wyk (31), ka thiba.

Go begwa fa Seoleseng ga mmogo le moswi, ba ne ba le mmogo, mme ba ile ba ya kwa gabo molatofadiwa ko ba fitlhetseng morwa rragwe molatofadiwa, Tshotlhego, a na le lekgarebe la gagwe.

Mongwe wa bo maratahelele wa tlhalosa: “Go begwa fa go ile ga runya kgakgauthano ya mafoko ma gareng ga molatofadiwa le monnawe. Sebakwa sa kgakgauthano ke gore, molatofadiwa one a botsa monnawe gore goreng a tlisa lekgarebe kwa gagabo.

“Ene ya re fa e ya matsogong, tsala ya molatofadiwa, van Wyk a leka go tsiriganya. Fela go begwa fa molatofadiwa a ne a mo tsogela kgatlhanong, mme a mo tsatsanka ka thipa. Go ya ka dipego, moswi one a rwalelwa kwa bookelong jwa sedika jwa Taung, fela one a balelelwa le badimo mo letsatsing la Tshipi.”

Go begwa fa kgetsi ya polao ene ya bulwa, mme mmelaelwa one a tshwarwa.

Kgabagare, sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are kgetsi ya polao e butswe.

taungdailynews@gmail.com

Setlhopa sa Lovely Movers se ikgapetse R24 000 

NEWS Leave a comment

Setshwantsho- Setlhopa sa Modimong Lovely Movers FC

Ka OBAKENG MAJE 

13 August 2025- Barati ba kgwele ya dinao go ralala Taung, ba itumeletse lobebe lwa kgwele ya dinao le le neng le tshamikiwa kwa Women’s Day Top 8 Tournament kwa motseng wa Manthe, gaufi le Taung, mo mafelong a beke. Ditlhopa di le dintsi di ne di ntshitse ga tshwene, fela setlhopa sa Modimong Lovely Movers FC, se ile sa fetoga bafenyi ba tonamente morago ga go ruta setlhopa sa Mighty Boys FC kwa diphala di nwang metsi gone. 

Setlhopa sa Modimong Lovely Movers FC, se fentse setlhopa sa Mighty Boys FC ka nno e le nngwe go lefela. 

Mokatisi wa setlhopa sa Modimong Lovely Movers FC, Jacob Tshilo are motsameko wa bone kgatlhanong le setlhopa sa Mighty Boys FC, e ne ele o tsitsibanyang mmele. Tshilo are motshameko one o bulegile, mme seo se ba file tshono ya go tsenya kgatelelo. 

“Re tshamikile kgatlhanong le setlhopa se se popota. Fela le rona re ne re eme pudi matsheba. Re tshamekile le ditlhopa tse di di phatsa, mme ene ya re fa re fetsa go di fenya, ke fa re lemoga gore re na le tshono ya go ikgapela sejana. 

“Fela re kopane le setlhopa se se popota eleng sa Mighty Boys FC. Gape, ke itumeletse go bona matshetshe a kgwele ya dinao. Re ikuela go ditlhopa tse dikgolo go tla go lebelela lobebe la kgwele ya dinao, le go lebelela bokgoni jo batshamiki ba rona ba nang le bone,” Tshilo wa tlhalosa.  

Mokatisi wa setlhopa sa Mighty Boys FC, Sifiso Nukeri are: “Batshameki ba rona ba ile ba palelwa ke go tsepanya mogopolo mo go se ba se dirang. Gape, puisano ya bone e ne e se e e edileng kwa morago. 

“Batshamiki ba rona kwa morago ba ne ba sa ele tlhoko batshamiki ba setlhopa se re neng re tshameka le sone. Ke ka moo re ileng ra nosiwa nno.” 

Fela Nukeri are ba tla dira botokwa mo nakong e e tlang. 

Mongwe wa barulaganyi ba tonamente e, Charlie Ramonnye, are ba itumetse thata gore ba be ba rulagantse tonamente e, mme ba e lebisitse go bomme botlhe. Ramonnye are go le gantsi bomme ba shotlakakiwa ka mekgwa e farologaneng. 

“Jaanong re rulagantse tonamente e, go ka ema nokeng ntwa kgatlhanong le tshotlakako ya bomme le bana. Re gopola bomme ba ba ileng ba ipetsa sehuba, mme ba ema kgatlhanong le tshotlakako ya bomme. 

“Seemo sa kgwele ya dinao se ne sele kwa godimo thata, mme le barati ba kgwele ya dinao le bone ba bone matshetshe,” Ramonnye wa tlhalosa. 

Kgabagare setlhopa sa Modimong Lovely Movers FC se ikgapetse madi a lekanyediwang go R24 000 ga mmogo le dimetale tsa gauta, sejana le kits, fa setlhopa sa Mighty Boys FC ba iponetse madi a lekanyediwang go R10 000 ga mmogo le dimetale tsa selefera le kits. 

taungdailynews@gmail.com

Kgetsi ya go teketa le go shupa ka sethunya e buseditswe morago 

NEWS Leave a comment

Setshwantsho: Molatodadiwa, Korononea Jeremia Modise 

Ka OBAKENG MAJE

13 Phatwe 2025- Kgetsi ya go teketa le go shupa ka sethunya kgatlhanong le molatofadiwa, Korononea Jeremia Modise (34) wa kwa motseng wa Dikhuting, gaufi le Taung, e buseditswe morago ke kgotlhatshekelo ya Taung go fitlha ka di 8 Lwetse 2025. Modise one a tshwarwa mabapi le ditatofatso tsa go teketa ga mmogo le go shupa ka sethunya.

Go ya ka dipego, monna wa kwa Picong, Batsile Eric Sebico (43) one a tlhaselwa le go teketwa ke Modise ka kgwedi ya Seetebosigo mono ngwaga. Go begwa fa Sebico a ile a kgorogelwa ke banna ba ba neng ba tsamaya ka sejanaga sa Toyota GD6 ga mmogo le Volkswagen Polo e khibidu ka mmala kwa legaeng la gagwe.

Sebueledi sa sepodisi mono Bokone Bophirima, Brigadier Sabata Mokgwabone are go begwa fa banna bangwe ba ile ba tsena kwa legae la mongongoregi le go mo teketa. Mokgwabone are go begwa fa banna ba, ba ile ba thuntsa dokolo di le pedi mo setswalong sa mongongoregi pele ga ba ka tsamaya.

“Sepodisi se butse dikgetsi di le tharo kgatlhanong le molatofadiwa, eleng kgetsi ya go teketa, tshenyo ya dithoto ga mmogo le go shupa ka sethunya.

“Jaaka sepodisi, ga re na bopaki jwa gore banna ba, ba tshabiwa ke sepodisi, ebile ba amega mo dikgetsing tse dingwe. Jaanong, re ikuela go mongwe le mongwe o a nang le bopaki mabapi le seo go tsenya ngongora gore sepodisi se batlisise ntlha eo,” Mokgwabone wa tlhalosa.

Kgabagare, go begwa fa Modise gape a buletswe kgetsi ya go teketa Christopher More (70). More one a tlhaselwa gabedi ka dinako tse difarologaneng kwa motseng wa gagwe wa Picong le go fitsetswa ntlo ga mmogo le sejanaga.

Gape, go begwa fa a ne a tlhaselwa le go shupiwa ka sethunya kwa legaeng la gagwe kwa Monoto-mosetlha kwa motseng wa Tlapeng.

taungdailynews@gmail.com

Motshini o ntshang madi o phatlhotswe ka bomo

NEWS Leave a comment

Setshwantsho: Motshini o ntshang madi o thuntsitswe

Ka OBAKENG MAJE

11 August 2025- Motshini o ntshang madi (ATM) o phatlhotswe ka bomo kwa lebenkeleng la ga NJ Smits kwa motseng wa Manthe, gaufi le Taung, ka masa a letsatsi la Tshipi. Go begwa fa banna ba le bararo, ba ne ba kgorogela badiri ba le babedi ba ba neng ba le mo teng ga lebenkele, mme ba ba kopa gore ba bule.

Fela go begwa badiri ba, ba ne ba latola nnyaa ya banyana. Go begwa fa banna ba bararo ba, ba ile ba ikadima kgoro, mme ba e roba.

Sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are, dipego di shupa fa badiri ba, ba ile ba tobetsa alarm le go itsise mong wa lebenkele ka tiragalo e. Van Rooyen are badiri ba, ba ile ba tlhanola direthe fa ba lemoga gore banna ba bararo ba, ba kgonne go roba kgoro ya lebenkele le go tsena mo teng.

“Go begwa fa mong wa lebenkele a ile a letsetsa sepodisi. Fela banna ba bararo ba, ba ile ba tsaya motsoko o lekanyediwang go R10 000 ga mmogo le madi a seatleng a go sa itsiweng palo ya one morago ga go phatlhola motshini o ntshang madi.

“Go begwa fa banna ba le bararo ba, ba ile ba tsena ka lenga la seloko morago ga tiragalo e. Sepodisi se ile sa goroga kwa lefelong la tiragalo, mme ba fitlhela fa tshenyo e setse e diragetse,” van Rooyen wa tlhalosa.

Van Rooyen are ga gona ope o tshwerweng go fitlha ga jaana, mme dipatlisiso di tsweletse. Van Rooyen are ba ikuela go mongwe le mongwe o a ka tswang a na le tshedimosetso mabapi le kgang e go ka letsetsa sepodisi.

taungdailynews@gmail.com

Kgetsi ya go teketa le go shupa ka sethunya e boela kgotlhatshekelo

NEWS Leave a comment

Setshwantsho: Molatodadiwa, Korononea Jeremia Modise

Ka OBAKENG MAJE

11 Phatwe 2025- Kgetsi ya go teketa le go shupa ka sethunya kgatlhanong le molatofadiwa, Korononea Jeremia Modise (34) wa kwa motseng wa Dikhuting, gaufi le Taung, e boela kgotlhatshekelo ya Taung mo letsatsing la gompieno. Modise one a tshwarwa mabapi le ditatofatso tsa go teketa ga mmogo le go shupa ka sethunya.

Go ya ka dipego, monna wa kwa Picong, Batsile Eric Sebico (43) one a tlhaselwa le go teketwa ke Modise ka kgwedi ya Seetebosigo mono ngwaga. Go begwa fa Sebico a ile a kgorogelwa ke banna ba ba neng ba tsamaya ka sejanaga sa Toyota GD6 ga mmogo le Volkswagen Polo e khibidu ka mmala kwa legaeng la gagwe.

Sebueledi sa sepodisi mono Bokone Bophirima, Brigadier Sabata Mokgwabone are go begwa fa banna bangwe ba ile ba tsena kwa legae la mongongoregi le go mo teketa. Mokgwabone are go begwa fa banna ba, ba ile ba thuntsa dokolo di le pedi mo setswalong sa mongongoregi pele ga ba ka tsamaya.

“Sepodisi se butse dikgetsi di le tharo kgatlhanong le molatofadiwa, eleng kgetsi ya go teketa, tshenyo ya dithoto ga mmogo le go shupa ka sethunya.

“Jaaka sepodisi, ga re na bopaki jwa gore banna ba, ba tshabiwa ke sepodisi, ebile ba amega mo dikgetsing tse dingwe. Jaanong, re ikuela go mongwe le mongwe o a nang le bopaki mabapi le seo go tsenya ngongora gore sepodisi se batlisise ntlha eo,” Mokgwabone wa tlhalosa.

Kgabagare, go begwa fa Modise gape a buletswe kgetsi ya go teketa Christopher More (70). More one a tlhaselwa gabedi ka dinako tse difarologaneng kwa motseng wa gagwe wa Picong le go fitsetswa ntlo ga mmogo le sejanaga.

Gape, go begwa fa a ne a tlhaselwa le go shupiwa ka sethunya kwa legaeng la gagwe kwa Monoto-mosetlha kwa motseng wa Tlapeng.

taungdailynews@gmail.com

Kopo ya beile mo kgetsing ya go teketa le go shupa ka sethunya e buseditswe morago

NEWS Leave a comment

Setshwantsho: Molatodadiwa, Korononea Jeremia Modise

Ka OBAKENG MAJE

5 Phatwe 2025- Kopo ya beile mo kgetsi ya go teketa le go shupa ka sethunya kgatlhanong le molatofadiwa, Korononea Jeremia Modise (34) wa kwa motseng wa Dikhuting, gaufi le Taung, e buseditswe morago go fitlha ka di 11 Phatwe 2025. Modise one a tshwarwa mabapi le ditatofatso tsa go teketa ga mmogo le go shupa ka sethunya.

Go ya ka dipego, monna wa kwa Picong, Batsile Eric Sebico (43) one a tlhaselwa le go teketwa ke Modise ka kgwedi ya Seetebosigo mono ngwaga. Go begwa fa Sebico a ile a kgorogelwa ke banna ba ba neng ba tsamaya ka sejanaga sa Toyota GD6 ga mmogo le Volkswagen Polo e khibidu ka mmala kwa legaeng la gagwe.

Sebueledi sa sepodisi mono Bokone Bophirima, Brigadier Sabata Mokgwabone are go begwa fa banna bangwe ba ile ba tsena kwa legae la mongongoregi le go mo teketa. Mokgwabone are go begwa fa banna ba, ba ile ba thuntsa dokolo di le pedi mo setswalong sa mongongoregi pele ga ba ka tsamaya.

“Sepodisi se butse dikgetsi di le tharo kgatlhanong le molatofadiwa, eleng kgetsi ya go teketa, tshenyo ya dithoto ga mmogo le go shupa ka sethunya.

“Jaaka sepodisi, ga re na bopaki jwa gore banna ba, ba tshabiwa ke sepodisi, ebile ba amega mo dikgetsing tse dingwe. Jaanong, re ikuela go mongwe le mongwe o a nang le bopaki mabapi le seo go tsenya ngongora gore sepodisi se batlisise ntlha eo,” Mokgwabone wa tlhalosa.

Kgabagare, go begwa fa Modise gape a buletswe kgetsi ya go teketa Christopher More (70). More one a tlhaselwa gabedi ka dinako tse difarologaneng kwa motseng wa gagwe wa Picong le go fitsetswa ntlo ga mmogo le sejanaga.

Gape, go begwa fa a ne a tlhaselwa le go shupiwa ka sethunya kwa legaeng la gagwe kwa Monoto-mosetlha kwa motseng wa Tlapeng.

taungdailynews@gmail.com

Kgetsi ya go teketa le go shupa ka sethunya e boela kgotlhatshekelo

NEWS Leave a comment

Setshwantsho: Molatofadiwa, Korononea Jeremia Modise

Ka OBAKENG MAJE

5 Phatwe 2025- Kgetsi ya go teketa le go shupa ka sethunya kgatlhanong le molatofadiwa, Korononea Jeremia Modise (34) wa kwa motseng wa Dikhuting, gaufi le Taung, e boela kgotlhatshekelo ya Taung mo letsatsing la gompieno. Mo letsatsing la gompieno, Modise o solofetswe go dira kopo ya beile.

Modise one a tshwarwa mabapi le ditatofatso tsa go teketa ga mmogo le go shupa ka sethunya.

Go ya ka dipego, monna wa kwa Picong, Batsile Eric Sebico (43) one a tlhaselwa le go teketwa ke Modise ka kgwedi ya Seetebosigo mono ngwaga. Go begwa fa Sebico a ile a kgorogelwa ke banna ba ba neng ba tsamaya ka sejanaga sa Toyota GD6 ga mmogo le Volkswagen Polo e khibidu ka mmala kwa legaeng la gagwe.

Sebueledi sa sepodisi mono Bokone Bophirima, Brigadier Sabata Mokgwabone are go begwa fa banna bangwe ba ile ba tsena kwa legae la mongongoregi le go mo teketa. Mokgwabone are go begwa fa banna ba, ba ile ba thuntsa dokolo di le pedi mo setswalong sa mongongoregi pele ga ba ka tsamaya.

“Sepodisi se butse dikgetsi di le tharo kgatlhanong le molatofadiwa, eleng kgetsi ya go teketa, tshenyo ya dithoto ga mmogo le go shupa ka sethunya.

“Jaaka sepodisi, ga re na bopaki jwa gore banna ba, ba tshabiwa ke sepodisi, ebile ba amega mo dikgetsing tse dingwe. Jaanong, re ikuela go mongwe le mongwe o a nang le bopaki mabapi le seo go tsenya ngongora gore sepodisi se batlisise ntlha eo,” Mokgwabone wa tlhalosa.

Kgabagare, go begwa fa Modise gape a buletswe kgetsi ya go teketa Christopher More (70). More one a tlhaselwa ga bedi ka dinako tse difarologaneng kwa motseng wa gagwe wa Picong le go fitsetswa ntlo ga mmogo le sejanaga.

Gape, go begwa fa a ne a tlhaselwa le go shupiwa ka sethunya kwa legaeng la gagwe kwa Monoto-mosetlha kwa motseng wa Tlapeng. 

taungdailynews@gmail.com