Tag Archives: gaufi le Taung

MRM applauds 25 years imprisonment of Ikageng GBVF perpetrator    

NEWS Leave a comment

Picture: A bloody knife found at the crime scene/Generic

By OBAKENG MAJE

19 October 20025- The Moral Regeneration Movement (MRM) in the North West on Sunday applauded the 25 years imprisonment handed down to Molefi Benjamin Ramoholokoane (61) by the Potchefstroom Regional Court for the murder of his intimate partner, Maria Masego Fumba (37) committed on the 11 February 2025. The civil society led organisation promoting the Charter of Positive Values expressed hope that the sentence would serve as a deterrent to perpetrators of Gender-Based Violence and Femicide (GBVF).

Convenor of the MRM Provincial Interim Committee, Pastor Lesiba Kgwele remarked that the conviction which was realized within a short period will contribute towards restoring public confidence in the criminal justice system. 

“We trust that the Fumba family will find closure in the knowledge that justice was done and commend the investigation officer, Constable Pholoso Mosenogi of the Ikageng Detectives and the prosecution team on the successful conviction.

“We urge men who are experiencing pressure in their relationships and personal lives to seek professional counselling instead of taking matters into their own hands. Ramoholokoane was driven by jealousy, insecurity as a well as control to commit a heinous and ghastly act as he suspected that his girlfriend was cheating on him with a neighbour (77), whom he was reportedly cooking a meal,” he said.

Kgwele further said he abrogated his responsibility as to protect his live-in partner whom he claimed to have loved when he resorted to senseless violence, ending her life in a gruesome manner. He added that evidence presented in court revealed that Ramoholokoane had stabbed the deceased with knife multiple times with two knives until she succumbed on the scene.

“The police were called to the scene and arrested him on the same day. He remained in police custody until the conclusion of the trial,” said Kgwele.

taungdailynews@gmail.com

Kgetsi ya go teketa le go shupa ka sethunya e buseditswe morago

NEWS Leave a comment

Setshwantsho: Molatofadiwa, Korononea Jeremia Modise

OBAKENG MAJE

16 Diphalane 2025 – Kgetsi ya go teketa le go shupa ka sethunya kgatlhanong le molatofadiwa, Korononea Jeremia Modise (34) wa kwa motseng wa Dikhuting, gaufi le Taung, e buseditswe morago ke kgotlhatshekelo ya Taung go fitlha kgwedi ya Ngwanatsele e tlhola matsatsi a le 11. Modise one a tshwarwa mabapi le ditatofatso tsa go teketa ga mmogo le go shupa ka sethunya.

Go ya ka dipego, monna wa kwa Picong, Batsile Eric Sebico (43) one a tlhaselwa le go teketwa ke Modise ka kgwedi ya Seetebosigo mono ngwaga. Go begwa fa Sebico a ile a kgorogelwa ke banna ba ba neng ba tsamaya ka sejanaga sa Toyota GD6 ga mmogo le Volkswagen Polo e khibidu ka mmala kwa legaeng la gagwe.

Sebueledi sa sepodisi mono Bokone Bophirima, Brigadier Sabata Mokgwabone are go begwa fa banna bangwe ba ile ba tsena kwa legae la mongongoregi le go mo teketa. Mokgwabone are go begwa fa banna ba, ba ile ba thuntsa dokolo di le pedi mo setswalong sa mongongoregi pele ga ba ka tsamaya.

“Sepodisi se butse dikgetsi di le tharo kgatlhanong le molatofadiwa, eleng kgetsi ya go teketa, tshenyo ya dithoto ga mmogo le go shupa ka sethunya.

“Jaaka sepodisi, ga re na bopaki jwa gore banna ba, ba tshabiwa ke sepodisi, ebile ba amega mo dikgetsing tse dingwe. Jaanong, re ikuela go mongwe le mongwe o a nang le bopaki mabapi le seo go tsenya ngongora gore sepodisi se batlisise ntlha eo,” Mokgwabone wa tlhalosa.

Lekgotlha le tlhalositse fa dipatlisiso di tsweletse fa le sentse le letile dipholo tsa sethunya.

Kgabagare, go begwa fa Modise gape a buletswe kgetsi ya go teketa Christopher More (70). More one a tlhaselwa gabedi ka dinako tse difarologaneng kwa motseng wa gagwe wa Picong le go fitsetswa ntlo ga mmogo le sejanaga.

Gape, go begwa fa a ne a tlhaselwa le go shupiwa ka sethunya kwa legaeng la gagwe kwa Monoto-mosetlha kwa motseng wa Tlapeng.

taungdailynews@gmail.com

Kgetsi ya petelelo kgatlhanong le Masito e buseditswe morago

NEWS Leave a comment

Setshwantsho: Molatofadiwa wa petelelo, Oratile Masito

Ka OBAKENG MAJE

10 Diphalane 2025- Kgetsi ya petelelo kgatlhanong le monna wa kwa motseng wa Lokaleng, gaufi le Taung, e buseditswe morago go fitlha di 6 tsa kgwedi ya Ngwanaatsele 2025. Go begwa fa molatofadiwa, Oratile Masito (22) a beteletse lekgarebe lengwe teng kwa Lokaleng.

Go ya ka kgotlhatshekelo, Masito o beteletse lekgarebe le makgetlho a le mararo mo bosigong jwa tiragalo. Go begwa fa Masito a ile a kgorogelwa ke baagi kwa legaeng la gagwe fa kgwedi ya Lwetse e ne e tlhola letsatsi, mme ba mo latofatsa ka petelelo.

Fela Masito ene are o bopelwa kgomo ya mmopa. Lekgotlha le timile Masito beile, mme le tlhalositse fa mabaka a a nelaneng ka one ese a ikgethileng. Gape, Masito o latofadiwa ka go tshosetsa dipaki mo kgetsing e.  

Lekgotlha le tlhalositse fa le rometse dipoelo tsa DNA kwa Forensic Laboratory fa kgwedi ya Lwetse e ne e tlhola matsatsi a le 29. Jaanong lekgotlha le tlhalositse fa le setse le emetse dipoelo tseo.

Kgabagare, Modulasetilo wa Women’s Forum mono Greater Taung, Dineo Motlhetlhi are: “Re dira ka dilo di le dintsi jaaka tshotlakako ya bong ga mmogo le go emela ditshwanelo tsa batho ba ba tshelang ka bogole. Gompieno jaana, re ne re tlile go reetsa kgetsi ya petelelo kgatlhanong le Masito.

“Jaanong, re ikutlwa re itumetse, mme re leboga Modimo gonne kopo ya rona e diragetse. Masito ga neelwa beile, mme kgetsi e buseditswe morago go fitlha di 6 Ngwanaatsele 2025.”

Motlhetlhi are ba ne ba tsweleditse mogwanto wa kagiso jaaka ba ne ba tshwere di placard jaana. Motlhetlhi are ba dira le mekgatlho e farologaneng, mme ba kgatlhanong le dipetelelo tse di kana-kana.

taungdailynews@gmail.com

Kgetsi ya go teketa le go shupa ka sethunya e boela kgotlhatshekelo

NEWS Leave a comment

Setshwantsho: Molatofadiwa, Korononea Jeremia Modise

Ka OBAKENG MAJE

9 Diphalane 2025 – Kgetsi ya go teketa le go shupa ka sethunya kgatlhanong le molatofadiwa, Korononea Jeremia Modise (34) wa kwa motseng wa Dikhuting, gaufi le Taung, e solofetswe go reediwa kwa kgotlhatshekelo ya Taung mo letsatsing la gompieno. 

Modise one a tshwarwa mabapi le ditatofatso tsa go teketa ga mmogo le go shupa ka sethunya. Go ya ka dipego, monna wa kwa Picong, Batsile Eric Sebico (43) one a tlhaselwa le go teketwa ke Modise ka kgwedi ya Seetebosigo mono ngwaga.

Go begwa fa Sebico a ile a kgorogelwa ke banna ba ba neng ba tsamaya ka sejanaga sa Toyota GD6 ga mmogo le Volkswagen Polo e khibidu ka mmala kwa legaeng la gagwe.

Sebueledi sa sepodisi mono Bokone Bophirima, Brigadier Sabata Mokgwabone are go begwa fa banna bangwe ba ile ba tsena kwa legae la mongongoregi le go mo teketa. Mokgwabone are go begwa fa banna ba, ba ile ba thuntsa dokolo di le pedi mo setswalong sa mongongoregi pele ga ba ka tsamaya.

“Sepodisi se butse dikgetsi di le tharo kgatlhanong le molatofadiwa, eleng kgetsi ya go teketa, tshenyo ya dithoto ga mmogo le go shupa ka sethunya.

“Jaaka sepodisi, ga re na bopaki jwa gore banna ba, ba tshabiwa ke sepodisi, ebile ba amega mo dikgetsing tse dingwe. Jaanong, re ikuela go mongwe le mongwe o a nang le bopaki mabapi le seo go tsenya ngongora gore sepodisi se batlisise ntlha eo,” Mokgwabone wa tlhalosa.

Kgabagare, go begwa fa Modise gape a buletswe kgetsi ya go teketa Christopher More (70). More one a tlhaselwa gabedi ka dinako tse difarologaneng kwa motseng wa gagwe wa Picong le go fitsetswa ntlo ga mmogo le sejanaga.

Gape, go begwa fa a ne a tlhaselwa le go shupiwa ka sethunya kwa legaeng la gagwe kwa Monoto-mosetlha kwa motseng wa Tlapeng.

taungdailynews@gmail.com

Mosadi wa kwa Rooiwal o tshwerwe poo ke mapodisi a eseng a nnete

NEWS Leave a comment

Ka OBAKENG MAJE

1 Diphalane 2025- Sepodisi sa Taung se batlisisa kgetsi ya go thopa ka dikgoka le go tshwarwa poo ka sethunya. Se, se tla morago ga gore mosadi wa dingwaga di le 49, a kgorogelwe ke banna ba le babedi ba ba sa itsiweng ka Mosupulogo.

Sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen, are motswasetlhabelo, Puseletso Sylvia Tapa (49) wa kwa motseng wa Rooiwal, gaufi le Taung, one a tsamaya mo mmileng fa a ne a kgorogelwa ke sejanaga se se neng se na le banna ba le babedi mo teng. Van Rooyen are banna ba, ba ile ba mo laela fa e le batlhankela ba sepodisi, mme ba shupa fa ba batlisisa kgetsi nngwe ya go tshwara poo.

“Banna ba, ba ile ba laela Tapa fa ele mmelaelwa mo kgetsing eo, mme ba mo pateletsa go tsena mo sejanageng. Go begwa fa ba ile ba leba le ene kwa tikwatikweng ya marekelo ya Taung, kwa ba ileng ba fitlha ba mo shupa ka sethunya le go mo tseela karata ya banka.

“Go begwa fa ba ile ba ya go goga madi a sa itsiweng kwa bankeng ya motswa-setlhabelo, pele ga ba ka go mo latlhela kwa nageng kwa Extension 6. Ga gona ope o tshwerweng go fitlha ga jaana, mme dipatlisiso di tsweletse,” van Rooyen wa tlhalosa.

taungdailynews@gmail.com

Kgetsi ya polao kgatlhanong le monna wa kwa Magogong e buseditswe morago

NEWS Leave a comment

Setshwantsho- Monna o latofadiwa ka go bolaya mosadimogolo ka garawe

Ka OBAKENG MAJE

30 Lwetse 2025- Kgetsi ya polao kgatlhanong le monna wa dingwaga di le 33 wa kwa motseng wa Magogong, gaufi le Taung, e buseditswe morago go fitlha 13 Di[halane 2025. Molatofadiwa, Kagiso Starzen Thipe, o letse a rototse matlho fa pele ga magistrata kwa kgotlhatshekelo ya Taung mo letsatsing la maabane mabapi le ditatofatso tsa go bolaya mosadimogolo, Masechaba James (71). 

Go begwa fa Thipe a ile a kgemetha le go bolaya James ka garawe ka Labobedi morago ga tlhatlharuane magareng ga bobedi jo.

Sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are go begwa fa Thipe a ne a tlhagola fa moswi a ne a mo kopa gore a se epe mosima mo thoko ga legae la gagwe. Van Rooyen are go begwa fa go ile ga tsoga kgakgauthano ya mafoko magareng ga bobedi jo, mme Thipe a teketa moswi ka garawe go fitlha a tlhokafala.

“Mmelaelwa o ile a tshwarwa, mme o tlhageletse ka boripana kwa kgotlhatshekelo ya Taung mo letsatsing la gompieno. Ene o lebagane le kgetsi ya polao,” van Rooyen wa tlhalosa.

Kgabagare, Thipe o tla nama a letile kwa ntlolefitshwana go fitlhelela a boela kgotlhatshekelo.

taungdailynews@gmail.com

Monna wa kwa Dryharts o tlhagelela kwa kgotlhatshekelo mabapi le polao

NEWS Leave a comment

Setshwantsho: Mmelaelwa o tlhagelela lwa kgotlhatshekelo mabapi le polao

Ka OBAKENG MAJE

25 Lwetse 2025- Monna wa kwa motseng wa Dryharts, gaufi le Taung, o solofetswe go tlhagelelwa kwa kgotlhatshekelo ya Taung morago ga gore a tshwarwe mabapi le polao. Go begwa fa monna o, a ile a tlhaba banna ba le babedi ka thipa ka Labobedi morago ga kgakgauthano.

Go begwa fa mmelaelwa a tlhabile le go bolaya Tlotlego Mangwekea le go gobatsa Maswe Maqandela. Go begwa fa mmelaelwa a latofatsa moswi, Mangwekea le Maqandela ka go mo utswetsa ditlhako tsa carvela ga mmogo le hubbly. Go begwa fa ntwa magareng ga banna ba le mmelaelwa e ne ya diragala kwa lebenkeleng la batswa-kwa.

Go begwa fa mmelaelwa a ile a tshwarwa ke batlhankela ba sepodisi morago ga tiragalo. Maqandela o ile a amogelwa kwa bookelong jwa Taung ka dikgobalo tse di masisi.

taungdailynews@gmail.com

Go utswitswe di laptops kwa sekolong sa Reivilo

NEWS Leave a comment

Setshwantsho: Sekolo se segolwane sa Reivilo                    

Ka OBAKENG MAJE 

10 Lwetse 2025- Sepodisi kwa motsesetoropong wa Reivilo, gaufi le Taung, se batlisisa kgetsi ya go tshwara poo. Se, se tla morago ga gore go utswiwe di laptop ga mmogo le dilwana kwa sekolong se segolwane sa Reivilo. 

Go begwa fa banna ba ba sa itsiweng, ba ile ba kgorogela batlhankedi ba tshireletso kwa sekolong fa masigo a Labobedi asa, mme ba ba bofa matsogo. Go begwa fa banna ba, ba ile ba tsena ka kgang kwa kantorong nngwe kwa sekolong, mme ba bula polokelo. 

Sebueledi sa sepodisi mono Bokone Bophirima, Brigadier Sabata Mokgwabone are banna ba, ba ile ba utswa di laptops ga mmogo le dilo dingwe. Mokgwabone are ga gona ope o tshwerweng go fitlha ga jaana. 

“Fela kgetsi e butswe, mme dipatlisiso di tsweletse. Re ikuela go mongwe le mongwe o a ka tswang a na le tshedimosetso mabapi le kgang e, go ka letsetsa sepodisi mo 08600 10111,” Mokgwabone wa tlhalosa. 

Kgabagare, sebueledi sa Lefapha la Thuto mono Bokone Bophirima, Vuyo Motsule o tlhalositse fa a ka arabela dipotso go tswa kwa The Guardian Newspaper morago ga kopano, mme ga ise a dire jalo. 

taungdailynews@gmail.com

Setheo se eseng sa puso se thusa basha 

NEWS Leave a comment

Setshwantsho: Maloko a setheo sa Baga Maidi Arts Centre ba phephafatsa dikolo

Ka OBAKENG MAJE 

9 Lwetse 2025- Bangwe ba baagi kwa motseng wa Molelema, gaufi le Taung, ba re ba itumelela dithuso tse ba di boning go ntswa kwa setheong se eseng sa puso sa Baga Maidi Arts Centre. Setheo se, se tsweleditse letsema la go phephafatsa dikolo tse di farologaneng kwa motseng o. 

Go ya ka motsamaisi wa setheo, Onkarabetse Aleta Moleleki, ba dira gape ka matsogo jaaka go loga le tse dingwe. Moleleki are ba ikuela go puso go ka ba neela kemo-nokeng e ba e tlhokang jaaka go ba rekela dilwana tse ba tla di dirisang go tsweletsa ditiro tsa bone tsa matsogo. 

“Rona re lesome ka palo, mme re ile ra fetsa beke re phephafatsa sekolo sa Selekeng. Bagolo ba ile ba tlhagola, go haraka le go phephafatsa jarata ya sekolo gore go nne gontle. Beke enngwe re ile ra ya kwa sekolong se se potlana sa Molelema, mme le gone re dirile fela jalo. Re ile ra leba gape kwa sekolong sa Letlhogile kwa le gone re ileng ra phephafatsa. 

“Re ile ra ya kwa kgosing le kwa kgotlheng, mme koo re ile ra nna letsatsi lotlhe re phephafatsa. Ka letsatsi la Laboraro, re loga sengwe le sengwe se se diriwang ka ulu jaaka ditlhoro, dimmetshe le dilo tse dingwe. Re na le motshini o le mongwe fela, mme re ka itumelela fa re tla neelwa o mongwe. Gape re na le motaki mo setheo sa rona, mme le ene o dira tiro e e tswileng matsogo,” Moleleki wa tlhalosa. 

Moleleki are mo setheong sa bona, ba na le setlhopha sa bana sa mmino wa setso, ga mmogo le baboki. Moleleki are fa sekolo se tswile, ba thusa bana ditiro-gae (homeworks) tsa bone. Moleleki are o na le go apeela bana ba ba tswang kwa malapeng a sa itsholelang. 

“Re rotloetsa basha ba le bantsi go tsaya thuto ya bone  tsia. Re ba ruta thata ka tsa botshelo, gonne ra itse gore letlhaku le lesha le agelelwa mo go la kgale. Jaanong go botlhokwa gore ba ithute go tswa go bo tlhogo-putswa gore malepa a botshelo a tsamaya jang. 

“Jaanong, re ne re ikuela go puso ya rona go ka re fa tshegetso gore setheo sa rona se gole,” Moleleki wa tlhalosa. 

taungdailynews@gmail.com

Kgetsi ya go shupa ka sethunya e buseditswe morago 

NEWS Leave a comment

Setshwantsho: Molatofadiwa, Korononea Jeremia Modise/Facebook

Ka OBAKENG MAJE

9 Lwetse 2025- Kgetsi ya go teketa le go shupa ka sethunya kgatlhanong le molatofadiwa, Korononea Jeremia Modise (34) wa kwa motseng wa Dikhuting, gaufi le Taung, e buseditswe morago ke kgotlhatshekelo ya Taung go fitlha di 9 Diphalane 2025. Modise o tla nama a letile kwa ntlolefitshwana. 

Modise one a tshwarwa mabapi le ditatofatso tsa go teketa ga mmogo le go shupa ka sethunya. Go ya ka dipego, monna wa kwa Picong, Batsile Eric Sebico (43) one a tlhaselwa le go teketwa ke Modise ka kgwedi ya Seetebosigo mono ngwaga.

Go begwa fa Sebico a ile a kgorogelwa ke banna ba ba neng ba tsamaya ka sejanaga sa Toyota GD6 ga mmogo le Volkswagen Polo e khibidu ka mmala kwa legaeng la gagwe.

Sebueledi sa sepodisi mono Bokone Bophirima, Brigadier Sabata Mokgwabone are go begwa fa banna bangwe ba ile ba tsena kwa legae la mongongoregi le go mo teketa. Mokgwabone are go begwa fa banna ba, ba ile ba thuntsa dokolo di le pedi mo setswalong sa mongongoregi pele ga ba ka tsamaya.

“Sepodisi se butse dikgetsi di le tharo kgatlhanong le molatofadiwa, eleng kgetsi ya go teketa, tshenyo ya dithoto ga mmogo le go shupa ka sethunya.

“Jaaka sepodisi, ga re na bopaki jwa gore banna ba, ba tshabiwa ke sepodisi, ebile ba amega mo dikgetsing tse dingwe. Jaanong, re ikuela go mongwe le mongwe o a nang le bopaki mabapi le seo go tsenya ngongora gore sepodisi se batlisise ntlha eo,” Mokgwabone wa tlhalosa.

Kgabagare, go begwa fa Modise gape a buletswe kgetsi ya go teketa Christopher More (70). More one a tlhaselwa gabedi ka dinako tse difarologaneng kwa motseng wa gagwe wa Picong le go fitsetswa ntlo ga mmogo le sejanaga.

Gape, go begwa fa a ne a tlhaselwa le go shupiwa ka sethunya kwa legaeng la gagwe kwa Monoto-mosetlha kwa motseng wa Tlapeng.

taungdailynews@gmail.com