Ka OBAKENG MAJE
28 Phatwe 2026 – Setopo sa ga Kamogelo Segwai (26) o go neng ga begwa fa a nyeletse se bonwe kwa molapong wa Extenstion 7, mono Taung ka Lamatlhatso. Go begwa fa Segwai a ne a thopiwa ka dikgoka ke bangwe ba baagi kwa Extension 7, mono Taung morago ga go mo latofatsa ka bogodu.
Segwai o bonwe mo setshwantshong sa motsikinyego ga mmogo le tsala nngwe ya gagwe, Omphile Mokoto yo setopo sa gagwe se bonweng kwa masimo kwa motseng wa Maphoitsile, gaufi le Taung mo dibekeng tse tharo tse di fetileng, ba dirilwe batshwarwa-kananyo.
Go begwa fa setopo sa ga Segwai se ne se na le dintho tsa go teketiwa.
Kgabagare, sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are o setse a emetse pegelo go tswa go mmatlisisi wa kgetsi pele ga a ka arabela dipotso go tswa go The Guardian Newspaper.
Setshwantsho: Kamogelo Segwai/Facebook
The Guardian 