Ka OBAKENG MAJE
24 Mopitlwe 2026 – Kgetsi ya polao kgatlhanong le balatofadiwa ba le supa eleng Flora Mogwera (66), Tshwaro Katong (53), Mosimanegape Gabonewe (55), Victor Maphasane (63), Tekoetsile Katong (63), Losilatau Charles Sakiele (58) ga mmogo le Mompati Mocumi (62), e buseditswe morago go fitlha 11 Motsheganong 2026, ke kgotlhatshekelo ya Taung mo letsatsing la maabane. Balatofadiwa ba, ba ile ba tshwarwa kwa motseng wa Manthe, gaufi le Taung, mabapi le ditatofatso tsa go bolaya monna wa kwa motseng wa Mothanthanyaneng, Robert Rapelang Molale morago ga go molatotsa ka go bogodu jwa leruo.
Go begwa fa Molale a ile a teketwa le go tsenngwa mo metsing kwa molapong ka kgwedi ya Sedimonthole 2025. Go begwa fa Molale a ile a tlhokafala morago ga moo.
Go dumela fa dinkue tse di utswitsweng ele tsa molatofadiwa, Flora Mogwera (66). Balatofadiwa ba bangwe jaaka Tshwaro Katong (53), Mosimanegape Gabonewe (55), Victor Maphasane (63), Tekoetsile Katong (63), Losilatau Charles Sakiele (58) ga mmogo le Mompati Mocumi (62), ba lebagane le ditatofatso tsa polao.
Kgabagare, balatofadiwa botlhe ba neetswe beile ya R500 mongwe le mongwe.
The Guardian 