Ka OBAKENG MAJE
3 Ngwanaatsele 2025- Setopo sa monna o go neng go begwa fa a timetse se bonwe kwa molapong kwa motseng wa Manokwane, gaufi le Taung ka Labotlhano. Go begwa fa monna o, Tebogo Auguston Mothibi (48), a ile a nyelela fa kgwedi ya Diphalane e tlhola matsatsi a le 28.
Sebueledi sa sepodisi mono Bokone Bophirima, Colonel Adele Myburgh are Mothibi o bonwe la bofelo ke mosadi wa gagwe gone ka Labobedi.
“Ene ya re mo letsatsing le le latelang, kgetsi ya go nyelela ga motho e ne ya begwa kwa sepodising. Fela setopo sa gagwe se ile sa bonwa kwa molapong ka Labotlhano motshegare,” Myburgh wa tlhalosa.
The Guardian 