Setshwantsho: Dithobolo tse di seng mo molaong
Ka REGINALD KANYANE
6 Moranang 2026 – Monna wa dingwaga di le 35 o tshwerwe kwa Mooinooi ka Lamatlhatso mabapi le ditatofatso tsa go tshola ditlhobolo tse di seng mo molao ga mmogo le dikolo. Go begwa fa mmelaelwa a golaganngwa le kgothoso go tlhometswe le go thopa ka dikgoka e e diragetseng tseng kwa Mooinooi mo go yone kgwedi e.
Sebueledi sa sepodisi mono Bokone Bophirima, Constable Thuto Bobelo are se, se diragetse morago ga gore lephata la sepodisi la botlhodi kwa Brits, le longwe tsebe. Bobelo are lephata la sepodisi la botlhodi, le ile la batlisisa gore ditlhobolo tseo ga mmogo le dikolo di kwa kae.
“Go ile ga bolodiwa letsholo-patlo ke ba Brits Trio Task Team, Public Order Policing (POP) deployed team, and Mooinooi Visible Policing (VISPOL), go ka samagana le morero o. Sepodisi se ile sa fitlhela ditlhobolo di le nne ga mmogo le dikolo kwa lefelong lengwe kwa Bapong.
“Ditlhobolo tse, di akaretsa tlhobolo ya 9mm e go shupang fa e ne e shutlhilwe nomoro ya botlhokwa (serial number). Tlhobolo e nngwe ke ya 7.65mm e le yone e ne e shutlhilwe nomoro ya botlhokwa. Sepodisi se fitlhetse tlhobolo e nngwe e phatsimang ya modiro wa revolver, tlhobolo ya pallet ga mmogo le dikolo di le nne,” Bobelo wa tlhalosa.
Ba lephata la sepodisi ba Local Criminal Record Centre (LCRC) ba ile ba tsaya ditlhobolo tseo ga mmogo le dikolo, mme mmelaelwa o solofetswe go tlhagelela ka boripana kwa kgotlhatshekelo ya Brits ka Labobedi.
Kgabagare, mokomishinara wa nama-o-sa-tshwere wa sepodisi mono Bokone Bophirima, Major General (Dr) Ryno Naidoo, o akgotse batlhankela ba sepodisi morago ga matsetseleko a ba a dirileng. Naidoo are botlhodi bo tshameka karolo e botlhokwa mo sepodising go lwantsha bosinyi.
“Re ikuela go sepodisi go tswelela ka ntwa kgatlhanong le twantsho ya ditlhobolo tse di seng mo molaong,” Naidoo wa tlhalosa.
The Guardian 