Ka OBAKENG MAJE
2 Tlhakole 2026- Monna wa dingwaga di le 44 o solofetswe go tlhagelela kwa kgotlhatshekelo ya Taung mo letsatsing la gompieno mabapi le ditatofatso tsa polao. Go begwa fa banna ba, ba tlile ka konteraka kwa motseng wa Modimong, gaufi le Taung.
Go begwa fa go ile ga tsoga nganginyaso magareng ga bone fa ba ne ba itisitse kwa ntlung e rekisang nnotagi ka Lamatlhatso.
Sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen, are go begwa fa mmelaelwa a ile a tlhaba motswasetlhabelo wa dingwaga di le 33 ka thipa. Van Rooyen are go begwa fa mmelaelwa a ne a tshwarwa le go latofadiwa ka polao.
“Mmelaelwa o solofetswe go tlhagelela kwa kgotlhatshekelo mo letsatsing la gompieno. Dintlha tse di shupang se se tlhodilweng polao, di tla netefadiwa fa dipatlisiso ditswelela,” van Rooyen wa tlhalosa.
The Guardian 