Ka OBAKENG MAJE

Monna wa dingwaga di le 37 yo o neng a latofadiwa ka go bolaya kgarebe ya gagwe, Julia Mothibi (31), o golotswe ke kgotlha-tshekelo ya Ganyesa mo letsatsing la maabane gonne go sena bopaki jo bo lekaneng go ka mo golaganya le kgetsi ya polao. Go begwa fa setopo sa ga Mothibi se fitlhetswe se apesitwe ka kobo kwa phaphosing ya mokapelo wa gagwe mo letsatsing la Lamatlhatso.

Go ya ka sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen, Mothibi o ile a fitlhelwa kwa phaposing ya mokapelo wa gagwe, mme go bontsha fa a kgemile.

“Go fitlha ga jaana, mokapelo wa moswi o golotswe ke kgotlha-tshekelo, mme lekgotlha le kopile sepodisi go dira dipatlisiso tse di tseneletseng le go mo golaganya le kgetsi pele e ka tsaya tshwetso ya go ka mo sekisa,” van Rooyen was tlhalosa.

taungdailynews@gmail.com