Ka OBAKENG MAJE
Monna wa dingwaga di 37 o tlhakafetse mo kotsing ya sejanaga mo tseleng ya R378 fa o lebile kwa motse wa Morokweng, gaufi le Ganyesa, mo letsatsing la Lamatlhatso. Go begwa fa mopalami le mokgweetsi, ba ne ba tsamaya ka sejanaga sa modiro wa Golf 1, mme ba tswa Rustenburg.
Go ya ka sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are: “Go begwa fa mokgweetsi wa sejanaga seo, a ile a latlhegela ke taolo morago ga go leka go efoga go thula phologolo nngwe ya naga.
“Go begwa fa sejanaga se ile sa phetoga, mme mopalami a tlhokafala mo lefelong la tiragalo. Go butswe kgetsi ya polao ntle le maikaelelo, mme dipatlisiso di tsweletse. Ga gona ope o tshwerweng mo kgetsing e. Mokgweetsi ene o falotse kotsi ntle le dikgobalo.”
The Guardian 