Ka BAKANG MOKOTO
23 Lwetse 2024- Lekgarebe la dingwaga di le 34, le tlhabilwe ka thiba go fitlha le tlhokafala kwa motseng wa De-Aar, kwa Morokweng, gaufi Ganyesa, mo letsatsing la maabane.
Go ya ka sebueledi sa sepodisi mo Bokone Bophirima, Kolonele Adele Myburgh, setopo sa ga Keolopile Dorothy Mocumi, se se neng sena le dintho tsa go tlhabiwa makgetlho-kgetlho, se bonwe ke mosadimogolo wa gagwe, mme o ile a letsatsa sepodisi.
“Sepodisi se ile sa tabogela kwa lefelong la tiragalo, mme sa fitlhela maloba ele maabane. Go begwa fa Mocumi a bonwe la bofelo a na le mokapelo wa gagwe fa a tswa kwa ntlung.
“Lekawana la dingwaga di le 42, le ile a lelelwa ke ditshipi, mme le tla tlhagelela kwa kgotlhatshekelo ya Ganyesa ka di 25 Lwetse 2024, go lebagana le molato wa polao,” Myburgh wa tlhalosa.
The Guardian 