Tag Archives: gaufi le Christiana

Lesea la dikgwedi di le tharo le tlhokofetse

NEWS Leave a comment

Ka REGINALD KANYANE

15 Lwetse 2025- Sepodisi kwa motsesetoropong wa Utlwanang, gaufi le Christiana, se butse kgetsi ya morago ga loso. Se, se tla morago ga gore lesea la dikgwedi di le tharo le tlhokafale.

Go begwa fa lesea le, le tlhokafetse fa le ne le robetse le mmalone (24).

Go ya ka sebueledi sa sepodisi mono Bokone Bophirima, Brigadier Sabata Mokgwabone, tiragalo e, ke ya di 9 Lwetse 2025. Mokgwabone are go ile ga bidiwa ba thuso ya potlako, mme ba ile ba netefatsa fa lesea leo le setse le ile boya batho.

Kgabagare, Mokgwabone o ganeditse dipego tsa gore lesea leo le bolailwe ke batsadi ba lone jaaka mafoko a ne a rebotswe ke bangwe ba baagi. Bangwe ba baagi ba ne ba bega fa mmagwe lesea le rralone, ba ile ba le bataganya mo fatshe go fitlhela le tlhokafala.

taungdailynews@gmail.com

Mosadi o neng a leka go bolaya bana ba gagwe ka go ba latlhela kwa nokeng ya Vaal o tlhokafetse

NEWS Leave a comment

Setshwantsho: Noka ya Vaal

Ka OBAKENG MAJE

20 Ferikgong 2025- Baagi ba motsesetoropo wa Utlwanang, gaufi le Christiana, ba re ba setse ba gamaregile morago ga tiragalo ya maabane. Se se tla morago ga dipego tsa gore mosadi mongwe o ipolaile ka go itatlhela kwa nokeng ya Vaal.

Go ya ka sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen, go begwa fa mosadi yo, a ile a latlhela ngwana wa gagwe wa dingwga di le 2, mo nokeng ka maiteko a go mo bolaya. Fela, Van Rooyen are, lesea leo le ne la pholosiwa ke banna ba ba neng ba tshwara ditlhapi ka mokoro wa bone ka nako eo.  

“Go begwa fa mosadi yo, a ne a leka go tlhatlhela ngwana wa bobedi. Fela ngwana o, o ile a le botsa phokoje. Mosadi o, one a itatlhela mo nokeng, mme ka maswabi o ile a latlhegelwa ke botshelo.

“Banna bao, ba ile ba letsetsa sepodisi. Kgetsi ya morago ga loso e butswe, mme dipatlisiso ditsweletse,” Van Rooyen wa tlhalosa.  

taungdailynews@gmail.com