Ka OBAKENG MAJE
7 Phukwi 2025- Badiri ba bakery ba le babedi ba dingwaga di le 29 le 32 ba tshwerwe poo. Go begwa fa badiri ba, ba ne ba tsamaisa borotho kwa mabenkeleng a farologanong go ralala Taung.
Go ya ka sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are, go begwa fa badiri ba ba ile ba tshwarwa poo kwa motseng wa Modutung, gaufi le Taung mo letsatsing la Lamatlhatso. Van Rooyen are go begwa fa badiri ba, ba ile ba kgorogelwa ke banna ba le bane ba ba neng ba rwele dithiba-matlho.
“Go begwa fa badiri ba, ba ile ba shupiwa ka sethunya, mme ba pateletswa go tsena kwa morago ga serori se. Badiri ba, ba ile ba thopiwa ka dikgoka. Go begwa fa banna ba, ba ile ba kgweetsa serori se sa borotho go leba kwa nageng kwa motseng wa Granspan. Badiri ba, ba bega fa ba ile ba tseelwa madi a seatleng le megala ya letheka pele ga ba ka puagangwa.
“Go begwa fa banna bao, ba ile ba innaya naga, mme ba tlogela badiri ba ba gaeletswe kwa morago ga serori. Go begwa fa badiri ba, ba ile ba thusiwa ke bafeti-ka-tsela. Ga gona ope o tshwerweng go fitlha ga jaana,” van Rooyen wa tlhalosa.
The Guardian 