Setshwantsho: Ditsela di tswetswe kwa Klerksdorp
Ka KEDIBONE MOLAETSI
23 Mopitlwe 2026 – Bakgweetsi ba dijanaga kwa Klerksdorp le mafelo a mabapi, ba itsisiwe fa go na le ditsela tse di tswetsweng mabapi le boipelaetso jwa borra ditekesi. Go begwa fa borra ditekesi ba boloditse mogwato kgatlhanong le borra ditekesi ba ba seng mo molaong.
Sebueledi sa Lefapha la Tshireletso ya Baagi le Tsamaiso ya Dipalangwa mono Bokone Bophirima, Charles Matlou are bakgweetsi ba ba lebang kwa Klerksdorp, ba kopiwa gore ba ikele tlhoko. Matlou are tsela e e amegileng ke ya R503 e golaganyang Hartbeesfontein/Tigane le Klerksdorp.
“Tsela ya R30 e e lebang kwa Orkney ga mmogo le ditsela tse di mogare ga metsesetoropo di amegile. Bakgweetsi ba kopiwa go dirisa ditsela tse di farologaneng. Re tsweletse go buisana le borra ditekesi bano ba ba boloditseng mogwanto ga mmogo le bannalesabe ba ba farologaneng,” Matlou wa tlhalosa.
The Guardian 