Ka OBAKENG MAJE
4 Ngwanetsele 2025- Monna o bolailwe ke batho ba ba sa itsiweng mono Mahikeng morago ga ditatofatso tsa maiteko a kgothoso le petelelo. Go begwa fa monna o, a ne a leka go kgothosa le go betelela moithuti wa kwa Taletso TVET College gaufi le Unit 6, fela fa o fetsa go tlola seporo sa terena.
Go begwa fa moithuti o, a ne a tsamaya ka maoto.
Sebueledi sa sepodisi mono Bokone Bophirima, Brigadier Sabata Mokgwabone are monna o, o ile a tlhaselwa ke bangwe ba baagi ba ba sa itsiweng. Mokgwabone are monna o, o ile a netefadiwa fa a tlhokafetse kwa lefelo la tiragalo.
“Dipatlisiso di tsweletse go fitlha ga jaana. Ga go ope o tshwereng,” Mokgwabone wa tlhalosa.
The Guardian 