Ka BAKANG MOKOTO
1 Diphalane 2025- Sepodisi sa kwa Ganyesa se ikuela go baagi go ba thusa go batlana le mosadi wa dingwaga di le 33, eleng Maria Lucky Basadi Dichaba. Go begwa fa Dichaba yo o dulang kwa motseng wa Dipudi teng kwa Ganyesa, a ile a nyelela fa kgwedi ya Lwetse e ne e tlhola matsatsi a le 8.
Sebueledi sa sepodisi mono Bokone Bophirima, Colonel Adéle Myburgh are Dichaba o ile a tsamaya fa kgwedi ya Lwetse e ne e tlhola matsatsi a le 8, ka ura ya 12:30, mme a tlhalosa fa a leba kwa Ganyesa. Myburgh are fela Dichaba ga boela gae ka letsatsi leo.
“Go ile ga bolodiwa letsholo-patlo kwa motseng o, fela ga gwa nna le nko e tswang lemina. Ka nako e a neng a nyelela ka yone, one a apere borokgwe jo bo pududu, ka sekipa se se pinki, le di tekkie tse ditshweu.
“Go begwa fa Dichaba e le motho o montsho ka mmala, mme a na le matlho a lefifi. O bokete jwa mmele jwa 70kg, mme o seemo sa go fitlha go 1.4m. Dichaba o na le moriri wa se-Afrika o montsho, o be o nna mokhutswane,” Myburgh wa tlhalosa.
Myburgh are mongwe le mongwe o a ka tswang a na le tshedimosetso mabapi le kgang e, a ka letsetsa mmatlisisi wa kgetsi e leng, Sergeant Elliot Assegai mo dinomorong tsa mogala tsa 082 416 0968. Myburgh are kgotsa ba ka letsetsa seteishene se se gaufi sa sepodisi mo nomorong ya mogala ya 08600 10111.
“Tshedimosetso nngwe le nngwe e tla tsewa jaaka ya sephiri,” Myburgh wa tlhalosa.
The Guardian 