Ka REGINALD KANYANE
13 Phukwi 2025- Sepodisi sa kwa Batlharos, gaufi le Kuruman, se tlhalositse fa se batlisisa kgetsi ya morago ga loso. Se, se tla morago ga gore mosetsanyana wa dingwaga di le 12 a tlhokafale fa Phukwi a ne a tlhola matsatsi a le 6.
Sebueledi sa sepodisi mono Kapa Bokone, Sarasanta Timothy Sam are dipatlisiso tsa sepodisi di shupa fa moswi ga mmogo le bo mogoloe ba jele mazimba. Go ya ka Sam, bana ba, ba ile ba ya go reka mazimba kwa spaza shop.
“Go begwa fa moswi a ile a tabogisetswa kwa bookelong kwa Kuruman morago ga gore a lwale.
Fela, go ile ga netefadiwa fa a setse a tlhokafetse. Dipholo tsa morago ga loso di tla nna karolo ya dipatlisiso,” Sam wa tlhalosa.
The Guardian 