Ka OBAKENG MAJE
26 Seetebosigo 2025- Marapo a motho a bonwe kwa sekgweng kwa motseng wa Kudunkgwane, gaufi le Ganyesa ka di 10 Seetebosigo 2025. Sepodisi se tlhalositse fa se belaela fa marapo ao, a ka tswa ele a lekgarebe le le magareng ga dingwaga di le 20 le 30.
Sebueledi sa sepodisi mono Bokone Bophirima, Brigadier Sabata Mokgwabone o tlhalositse fa go fitlhetswe meriri e logilweng (plaited braids) gaufi le marapo ao. Mokgwabone are sepodisi se ikuela go mongwe le mongwe o a ka tswang a na le tshedimosetso kgotsa mongwe wa lelapa o timetseng go ka ikgolaganya le mmatlisisi mo kgetsing e, eleng Detective Constable Allen Moyo mo dinomorong tsa mogala eleng 071 423 2669.
The Guardian 