Ka OBAKENG MAJE
9 Moranang 2025- Mong wa lebenkele wa motswa-kwa o tlhasetswe kwa motseng wa Majaneng, gaufi le Taung ka Lamatlhatso bosigo. Go begwa fa monna o wa dingwaga di le 34, a ne a robetse mo lebenkeleng la gagwe fa a ne a kgorogelwa ke banna ba ba sa itsiweng.
Go ya ka sebueledi sa sepodisi mo Bokone Bophirima, Mokaptein Mpho Manyoba, banna ba ba sa itsiweng ba, ba ile ba tlhasela mong wa lebenkele ka hammore ga mmogo le panga. Manyoba are, ba ile ba mo tseela madi a seatleng, melora e tlhapang, ga mmogo le metsoko pele ga ba ka lebotsa phokoje.
“Go butswe kgetsi ya go tlhasela ka maikaelelo a go ntsha dikgobalo, ga mmogo le kgetsi ya go tshwara poo kwa kgwebong. Go fitlha ga jaana, ga gona ope yo o tshwerweng, fela dipatlisiso di tsweletse.
“Mong wa lebenkele o ile a amogelwa kwa bookelong jwa sedika jwa Taung ka dikgobalo tse di masisi,” Manyoba wa tlhalosa.
The Guardian 