Ka REGINALD KANYANE
23 Tlhakole 2025- Monna wa dingwaga di le 59, wa kwa kgaolong ya Masimo mono Taung, o tseetswe madi a seatleng, ga mmogo le karata ya banka. Go begwa fa banna ba le bane ba ba neng ba rwele dithiba-matlho le molomo, ba ile ba itatlhela kwa ntlung ya gagwe ka Labotlhano bosigo, mme ba mo dira motshwara-kananyo.
Sebueledi sa sepodisi mo Bokone Bophirima, Brigadier Sabata Mokgwabone are, banna ba ba sa itsiweng ba, ba ile ba kgorogela monna o, mme bam o fitlhetse a shebile thebeleishene. Mokgwabone are, banna ba le babedi ba ile ba mo dira motshwarwa-kananyo, fa ba bangwe bai le ba puruputsha ntlo ya gagwe.
“Ba ile ba mo tseela madi a seatle, ga mmogo le karata ya gagwe ya banka. Ba ile gape bam o batla nomoro ya sephiri ya banka pele ba inaya naga. Ga go ope o tshwerweng go fitlha ga jaana.
“Dipatlisiso mo kgetsi e, di tsweletse. Sepodisi se ikuela go mongwe le mongwe o a ka tswang a na le kitso ka tiragalo e, go ka ba letsetsa,” Mokgwabone wa tlhalosa.
The Guardian 