Ka OBAKENG MAJE
Sepodisi mono Taung se tlhalositse fa se butse kgetsi ya go kgothosa go tlhometswe. Seno se tla morago ga gore banna ba ba neng ba tlhometse go utlwala, ba kgothose sejanaga se se rwalang madi sa Fidelity fa pele ga lebenkele la Pep Store mo toropong ya Taung mo letsatsing la maabane.
Go begwa fa banna ba, ba ile ba thuntsa sejanaga sa Fidelity, mme ga gona ope o boneng dikgobalo.
Sebueledi sa sepodisi sa Dr Ruth Segomotsi Mompati, Warrant Officer Tryphosa van Rooyen are: “Ka ntlheng ya bosisi mo dipatlisisong mo kgetsing e, ga nkitla re kgona go tsenelela mo dintlheng mabapi le gore go diragetse eng, gonne seo se ka ama dipatlisiso tsa sepodisi.”
The Guardian 