Seshwantsho-papiso: Mosimanyana o tlhokafetse kwa mophatong wa Khaukhwe
Ka OBAKENG MAJE
Mosimanyane o mongwe gape o tlhokafetse kwa mophatong kwa motseng wa Khaukhwe, gaufi le Taung. Sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen are, mosimanyana wa dingwaga di le 19, o wele fela mme one a isiwa kwa bookelong jwa sedika jwa Taung.
“Mosimanyana o, one a netefadiwa fa a tlhokafetse, mme dipatlisiso tsa morago ga loso di tsweletse,” van Rooyen wa tlhalosa.
Kgabagare, ke mosimanyana wa bobedi mo bekeng eno go tlhokafalela kwa mophatong. Mo letsatsing la maabane, Boitshepo Mphindwa (15) o tlhokafaletse kwa mophatong wa ga Clifford Lekgetho kwa motseng wa Takaneng. Go kaiwa fa Mphindwa le ene a wele fela.
The Guardian 