Setshwantsho-papiso: Madi a utswitswe kwa Taung
Ka OBAKENG MAJE
Mosadi wa dingwaga di le 46 o kgothositswe madi a seatleng a kanang ka R52 000 mo letsatsing la gompieno. Go begwa fa mosadi o, a ne a lebile kwa polokeng kwa tikwatikweng ya Taung (Taung Mall) fa a ne a kgorogelwa ke banna ba le babedi ba ba sa itsiweng.
Go ya ka sebueledi sa sepodisi mo sedikeng sa Dr Ruth Segomotsi Mompati, Warrant Officer Tryphosa van Rooyen, banna ba le babedi ba ne ba kgorogela mosadi o, le go sega kgetsana ya gagwe (handbag) ka thipa le go tsaya madi a.
“Go begwa fa banna ba le babedi, ba ne ba itatlhela mo sejanageng se seneng se ba letile, mme se kgwediwa ke banna ba le babedi mo go sone.
“Sejanaga seo, se ne sa inaya naga le go tlogela mosadi o a iphotlhere. Kgetsi ya kgothoso ene ya bulwa, mme dipatlisiso di tsweletse. Sepodisi se ikuela go baagi go se tshole madi a mantsi mo go bone,” van Rooyen wa tlhalosa.
The Guardian 