Ka OBAKENG MAJE
Monna wa dingwaga dile 39 o solofetse go ka tlhagelela kwa kgotlha-tshekelong ya Taung ka Labotlhano, morago ga go tshwarwa. Seno se tla morago ga ma gatwe a gore, banna bangwe ba le bararo ba ba itsiweng, ba ne ba kgorogele basadi bangwe ba ba ne ba bala madi a bone a stokvel kwa motseng wa Lokaleng, gaufi le Taung ka Lamatlhatso.
Go begwa fa basadi ba, ba ne ba bala madi a lekanyediwang go R11 000, fa ba ka kgorogelwa ke babelaelwa ba go begwang fa ba ne ba tshwere dithunya le dithipa. Go ya ka sebueledi sa sepodisi kwa sedikeng sa Dr Ruth Segomotsi Mompati mo Bokone Bophirima, Warrant Officer Tryphosa van Rooyen, mapodisi ba tshwere mongwe wa ba belaelwa mo letsatsing la gompieno.
“Re le sepodisi, re ka netefatsa fa mongwe wa ba belaelwa mo kgetsing ya go kgothosa o tlhometse e e diragetseng kwa motseng wa Lokaleng ka Lamatlhatso, a tshwerwe. Mmelaelwa o, o tla tlhagelela ka boripana kwa kgotlha-tshekelong ya Taung mo letsatsing la kamoso.
“Mmelaelwa o lebagane le kgetsi ya go kgothosa a tlhometse, mme sepodisi se mo motlhaleng wa babelaelwa ba bangwe,” van Rooyen wa tlhalosa.
The Guardian 