Setshwantsho: Monna o go begwang a ketekile lekgarebe mo video/Facebook
Ka OBAKENG MAJE
Monna wa dingwaga dile 39 o leletswe ke ditshipi morago ga go bonwa mo video e tletsetletseng mo mafaratlhatlheng a boitapoloso a keteka lekgarebe le go dumelwang ele la gagwe kwa Shell Garage kwa Vryburg mo letsatsing la Tshipi. Go ya ka dipego, go kaiwa fa Poloko Sekgopi a ne a tsena kwa Shell Garage a hupile tedu kwa fitlhetseng lekgarebe le, lena le monna o sa itsiweng.
Sekgopi o bonala mo video a tlhasela monna mongwe, pele a ka raga kaka lekgarebe le, le go mo digela mo fatshe. Go kaiwa fa lekgarebe le, lene la go bula kgetsi kgatlhanong le Sekgopi.
Go ya ka sebueledi sa sepodisi kwa kgorwaneng ya Dr Ruth Segomotsi Mompati, Warrant Officer Tryphosa van Rooyen, Sekgopi one a tshwarwa le go tlhagelela ka bo ripana kwa kgotlha-tshekelong ya Vryburg mo letsatsing la Mosupulogo. Van Rooyen o kaile fa Sekgopi a lebane le kgetsi ya go keteka.
“Ke nnete, go butswe kgetsi ya go keteka kgatlhanong le Sekgopi. Mo ngongoregi mo kgetsing eno, ona le dingwaga dile 33. Sekgopi o tlhageletse ka bo ripana kwa kgotlha-tshekelo ya Vryburg mo letsatsing la maabane.
“Kgetsi kgatlhanong le ene ene ya busediwa morago go fitlha ka di 18 Phatwe 2023. Molatofadiwa o tla nna a namile kwa ntlo lefitshwana, mme o solofetswe go ka dira kopo ya beile ka Labotlhano,” van Rooyen wa tlhalosa.
The Guardian 